verifikimiifakteve.mksitemap
verifikimiifakteve.mksitemap

Рецензија: Севастопол: Нема македонски војници на аеродромот

on 8 - 03 - 2014       
Овој напис го има и на: Албански

FireShot-Screen-Capture-024-utka-so-vojnicite-crop-resize

Една, главно коректно напишана вест за настаните во Украина, во која се дадени сите потребни елементи за целосна информација, содржи две сериозни грешки, кои од неа направија школски пример како не смее да се прави вест. Веќе на прв поглед е забележлив насловот на веста: „Севастопол: Нема македонски војници на аеродромот“, а веднаш потоа внимание привлекува и илустрацијата на текстот – војници на АРМ закитени со македонски знамиња, построени пред високи званичници. Со оглед на тоа што светските медиуми во времето на објавување на информацијава беа буквално преплавени со информации од конфликтот во Украина, тешко дека можеше да се најде макар и просечно информиран човек кој не ги знаеше основните параметри на оваа криза – навлегувањето на руски трупи на украинска територија, поточно на полуостровот Крим, како и ставот на глобалните сили по ова прашање. Па, сепак, на денот кога оваа информација е обелоденета во светските медиуми и била пренесена од страна на порталот, таа е пласирана со наслов, кој сугерира дека македонски војници не се инволвирани во безбедносната криза на Севастополскиот аеродром, кој во тоа време е преплавен со руски трупи, па уште и илустрирана со фотографија од архива на која, исто така, се прикажани македонски војници. Се разбира, тие по ниеден основ не ни можеле да се најдат на местото на настанот за кој станува збор ниту пак АРМ на било кој начин е поврзана со ситуацијата во Украина. Со тоа,  и насловот и фотографијата, во ваков контекст, се само комична грешка.

Нема сомневање дека грешката во овој напис произлегува од брзоплетоста со која пристигнатата информација е обработена односно опремена за објавување – очигледно е дека таа не е ниту прочитана со внимание за да може да биде одбран соодветен наслов и илустрација. Грешки од овој тип се сметаат за многу сериозни.

Рецензија:Севастопол: Нема македонски војници на аеродромотЛинк до оригиналниот напис: (Нема директен линк, текстот со грешката е повлечен во меѓувреме. Потоа е објавен нов текст со наслов  „СЕВАСТОПОЛ: Нема руски војници на аеродромот“, без напомена за исправка. )

Датум и време на објавување: 28.02.2104, 10:19

Датум на рецензирање: 5.03.2014

Рецензент: Југослава Дуковска

Информацијата, за која станува збор во написот, се базира на соопштението на Руската црноморска флота со кое се демантира тврдењето на украинскиот министер за надворешни работи, Арсен Аваков, дека руска војска го окупирала аеродромот во главниот град на автономната област Крим во Украина. Не се наведува од каде е преземена оваа информација, со оглед на тоа што е очигледно дека порталот немал свој новинар на местото на настанот, кој за него би известувал директно, а тоа се гледа, меѓу другото, и од погрешно ставениот наслов и илустрацијата, извадена од архива.

Во овој случај, лажните информации во написот произлегуваат не од намера туку од невнимание со кое е работено на подготовката за објавување.

Фотографијата, со уредно потпишан автор, што е позитивна пракса на порталот, е погрешно одбрана и несоодветна за содржина, а го кажува истото што и насловот – дека информацијата или не е ниту прочитана од лице кое воопшто не е информирано за случувањата во Украина, штом е одобрена за објавување со слика на војници на АРМ.

Оваа информација е повлечена после три часа од нејзиното објавување, веројатно откако е увидена грешката. Сепак, остана доволно долго „онлајн“ за да биде забележана и овој сериозен пропуст треба да послужи како поука за сериозноста со која треба да му се пристапува на процесот на информирање, доколку се претендира да се биде кредибилен извор на информации.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

веродостојни наводи

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

1 извор

еднострани

infoVistinitostСЕОПФАТНОСТ

сеопфатнo

можеби се прикриени информации

infoVistinitostПРИСТРАСНОСТ

целосно прикажува вистина

нема извртување на вистина (спин)

лажни информации

балансираност

infoVistinitostКОМЕНТИРАЊЕ

нема коментаторски елементи

издвоено од фактите

infoVistinitostПЛАГИЈАТ

делумна копија

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

нејасен

infoVistinitostФОТОГРАФИЈА

има

несоодветна

манипулира

наведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

квалитетни мултимедијални елементи

нема контекстуални линкови

стилски уреден

поврзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести