Рецензија: СДСМ избра претседател на партиската младина и слави со српска песна
Објавено во Рецензии
on 29 - 10 - 2013 Автор: Оливера Војновска
Уште од самиот наслов „СДСМ избра претседател на партиската младина и слави со српска песна“, е видливо дека намерата не била да информира кој е новиот лидер на младите социјалдемократи, туку да се потсмева, иронизира. Впрочем, самата содржина на веста од само неколку реда тоа и го потврдува.
Линк до оригиналниот напис: СДСМ избра претседател на партиската младина и слави со српска песна
Датум и време на објавување: 27.10.2013 – 19:04:44
Датум на рецензирање: 28.10.2013
Рецензент: Оливера Војновска
Вистинитост: Стефан Богоев е избран за претседател на младината на СДСМ, и веста во тој дел е вистинита. Понатаму таа се заснова на анонимни кажувања чија веродостојност не може да се утврди.
„Интересно е што по изборот на новиот претседател на партиската младина, големо славје се случило во дворот …“
Извори на информации: Не се спомнуваат конкретни извори кои присуствувале на изборот на новиот лидер на подмладокот на најголемата опозициска партија. Во материјалот се прераскажани само нечии видувања, импресии и впечатоци од настанот.
Содржајност: Написот не нуди целосна информација за читателот, туку е резултат на една субјективна перцепција. Последната реченица од оваа кратка вест:
„Славењето било проследено со пеење на песната „Рачунајте на нас““
треба да го оправда насловот и да им сугерира на читателите дека социјалдемократите не слават со македонски, туку со српски песни. Што пак, треба да алудира на тоа дека не се баш патриотски настроени.
Пристрасност: Со самата конструкција на веста, вклучително забележливите елементи на иронизирање,
„видлива била и големата радост на присутните небаре победиле на избори“,
се остава впечаток на политичка наклонетост, без воопшто да се сака да постигне објективност и баланс.
Коментирање: Спротивно на амандманот 13 од новинарскиот Кодекс тука се мешаат фактите и мислењата, веста и коментарот.
Оригиналност/Плагијат: Наведено е дека се работи за редакциски текст.
Квалитет на насловот: Насловот привлекува внимание, со ставањето акцент на „слави со српска песна“ претендира да биде и провокативен.
Фотографија: Веста е илустрирана со фотографија од седиштето на СДСМ, но таа не ја покажува атмосферата на славење пред централата на социјалдемократите опишана во написот.
Говор на омраза: Нагласувањето дека социјалдемократите преферираат српска музика, може да се протолкува и како тенденција за дискриминирање преку обид за создавање на стереотип за цела партија.
Заклучок: Делови од написот содржат конструкции, кои редакцијата се обидува да и ги сервира на јавноста како вистина, иако се забележува дека се работи за паушални толкувања. Материјалот содржи елементи на една вест, но стилот и начинот на кој таа е стокмена укажува на тенденциозност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно точни
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
впечатлив
провокативен
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
на граница да дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови