Рецензија: Руско-американски конфликт среде Скопје
Објавено во Рецензии
on 25 - 10 - 2013 Автор: Оливера ВојновскаТекстот со исклучително впечатлив наслов „Руско-американски конфликт среде Скопје“ информира за изградбата на куќа од три ката и со површина од над 300 квадратни метри, веднаш спроти Американската амбасада во Скопје. И притоа користи неофицијални извори, што на одреден начин е разбирливо, посебно кога се во прашање вакви чувствителни теми.
„ Изградбата на објектот, според сознанијата на „Република“, бил дел од остра комуникација меѓу претставници на Амбасадата на САД и седиштето на ДУИ во Мала Речица. Од кабинетот на лидерот Ахмети се барало објаснување зошто во општина каде владее неговата партија е подигнат објект, што се смета за можна причина за загрозување на американските безбедносни интереси во Македонија…“
Линк до оригиналниот напис: Руско-американски конфликт среде Скопје
Датум и време на објавување: 22.10.2013, 12:22
Датум на рецензирање: 24.10.2013
Рецензент: Оливера Војновска
Вистинитост: Написот е интересен, информативен, нуди низа податоци , само што тие, иако звучат уверливо, стојат зад огради од типот „наши сознанија“, па не може да се утврди нивната веродостојност.
Извори на информации: Слабата точка на овој текст се изворите. Впрочем и во самиот напис е наведено :
„Според непотврдени информации, иако таа се уште не е целосно завршена, сопствениците веќе имаат сериозни понуди за изнајмување. Цената не е позната, но тоа што се споменува како понуда е неколкукратно поголема од најскапите деловни простори во главниот град.
Се разбира, официјално никој не може да посочи на официјална Москва, како локација од каде што би можело да дојде интерес за изнајмување на објектот, но никој и не исклучува дека оваа микрогеостратегиска точка би можела да биде интересна за руските служби, како што често се случува во светот, барем во шпионските романи“.
Содржајност: Текстот има интересен приод и содржина. Читлив е , напишан со лесен и разбирлив стил. И покрај тоа што, не ги дава сите одговори:
„Не е јасно ниту што ќе се случи доколку сопственикот реши да не го послуша раководството на ДУИ и се согласи на баснословната сума што ја нудат неколкуте фирми за да можат да бидат поблиску до тоа што се случува во, можеби, најдобро заштитената амбасада на целиот Балкан“,
сепак, текстот е доволно скокотлив и провокативен за да го задржи вниманието на читателот и да го натера да го прочита до крај.
Квалитет на насловот: Насловот е всушност круната на овој текст. Веднаш паѓа во очи и алудира на тоа дека се случил некаков инцидент.
Фотографија: Текстот е илустриран со четири фотографии, три од објектот што се гради и една од една од Американската амбасада, кои се вклопуваат во содржината.
Заклучок: Порталот објавил четиво кое на прв поглед го лови вниманието на читателите. Но, макар што темата е деликатна, неодминлив е впечатокот дека барем во еден дел од текстот можеле да се користат и официјални извори (Општина Чаир или ДУИ, на пример). Да се види дека е направен обид да се добие став, мислење на другата страна. Тоа во никој случај не би ја намалило атрактивноста на ова четиво, туку би ја зголемило.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
не може да се утврди
не може да се утврди
СЕОПФАТНОСТ
можеби се прикриени информации
ПРИСТРАСНОСТ
не може да се утврди
не може да се утврди
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
преземен од неделникот
наведен извор со линк
КВАЛИТЕТ НА НАСЛОВОТ
дезинформира
атрактивен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови