Рецензија: Прилепско добива две современи фабрики – „Дупонт“ и „Етанол Јуроп рињуаблс лимитед“
Објавено во Рецензии
on 24 - 10 - 2014 Автор: Владо ЃорчевОваа вест би била коректна доколку не би бил ваков насловот и првиот пасус. Текстот е прилично библиографски, со податоци за новите инвеститори, но насловот е невистинит. Можеби се сакало со него да се засили веста, но тоа не е ниту коректно, ниту дозволиво во новинарството.
Линк до оригиналниот напис: Прилепско добива две современи фабрики – „Дупонт“ и „Етанол Јуроп рињуаблс лимитед“
Датум и време на објавување: 17.10.2014, 16:31
Датум на рецензирање: 23.10.2014
Рецензент: Владо Ѓорчев
ДВАЈЦА ИНВЕСТИТОРИ – ЕДНА ФАБРИКА
Насловот и првиот пасус се невистинити. Имено, нема да се градат две фабрики во Прилепско, туку ќе се гради една фабрика. Две корпорации, всушност, соработуваат за да изградат еден капацитет. Дури авторот во првиот пасус од текстот се побива самиот себеси:
„Прилеп добива две нови фабрики. Ирската компанија Етанол Јуроп Рињуабл и американската ДуПонт наскоро ќе почнат со изградба на најсовремена фабрика за производство на целулозен етанол.“
Како што кажува втората реченица, се работи за две компании кои решиле да инвестираат во една фабрика во Македонија.
Дека ова е така, потврдено е и на веб-страницата biofuelsdigest.com (еден од најугледните билтени за биогорива), каде што се тврди:
„Веста која доаѓа од Скопје, Македонија е дека денеска е потпишан меморандум за разбирање со кој се потврдува заложбата за развој на пазар на целулозен етанол во Пелагонискиот регион меѓу Европа Етанол и Етанол Дупонт.“
И тука е потврдено дека овие две корпорации ќе градат еден капацитет во Пелагонија.
И министерот за странски инвестиции, Бил Павлески, потврдува дека се работи за една фабрика, а тоа е пренесено и од biofuelsdigest.com :
„Македонскиот министер за странски инвестиции Бил Павлески за медиумите изјави дека проектот вклучува изградба на модерна биорафинерија со капацитет од 100 милиони литри.“
И во текстот подолу се зборува во еднина, за една фабрика, со што се побива тезата искажана во насловот, дека ќе се изградат две фабрики.
Текстот би бил коректен да не е насловот и првата реченица. Вака како што е прикажан насловот, само ги зголемува сомнежите дека можеби се сакало намерно да се преувеличи веста за поголем ефект во јавноста. Тоа е погрешен пристап, затоа што вистината во новинарството е прво правило.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
Делумно точни
делумно
ИЗВОРИ НА ИНФОРМАЦИИ
има евидентирани извори
официјални
релевантни
не може да се утврди
еднострани
СЕОПФАТНОСТ
сеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност, комерцијална пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
поврзан со тагови