Купи билет за Штип, ќе те однесат во Тетово
Објавено во Рецензии
on 9 - 07 - 2015 Автор: Љубомир Костовски
[Рецензија: При неколку правни факултети, се дисперзираат правни студии]
Во време на главно политички теми, сторија од областа на високото образование секако привлекува внимание поради отклонот од дневното клише на медиумите. Особено зашто низ насловот и наднасловот се посочува појавата на „нелојална конкуренција“ и тоа не меѓу државни и приватни факултети, туку меѓу оние кои се „бунарот“ на државата. Интересно и недопрено! Авторот на текстот умеел да нè привлече кон напишаното, ама кога ќе навлезете во темата, едноставно се чувствувате измамени.
Линк до оригиналниот напис: При неколку правни факултети, се дисперзираат правни студии
Датум на објавување: 06.07.2015
Датум на рецензирање: 07.07.2015
Рецензент: Љубомир Костовски
И по пристојниот вовед во темата, сфаќате дека или некој драстично го скусил текстот или авторот не успеал во намерите да најде соговорници и доволно факти, најпрвин да го оправда насловот. Истиот, да се потсетиме, говори за дисперзија на правни факултети во градови каде тие веќе постојат! Но, во текстот нема ниту еден таков пример. Дури, речиси, нема правен факултет како име?!
Концентрацијата на авторот како да е завртена кон конкуренцијата на двата тетовски универзитети, Штуловиот и ДУТ, ама тоа бара и соодветна најава, наслови, поднаслови и изменета структура, која би го објаснила стеснувањето на интересот. Вака, како да сте купиле билет за Штип, а автобусот ве однел во Тетово!
Особено поради тоа што високото образование на албански јазик е сè уште во повој и што и обете институции почнаа во Тетово, иако во Скопје и во другите градови, исто така, живеат лица кои би сакале да стекнат диплома, учејќи на мајчиниот јазик. Потоа, едниот е приватен, а вториот државен универзитет и таква конкуренција е, сепак, дозволива и треба да се стимулира.
Штета за темата. Поголем дел од читателите веројатно се наострија да прочитаат нешто за конкуретските серијали на УКИМ и на „Гоце Делчев“ за што барем во „уличните весници“ има доволно приказни.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
Се користи извор за еден од наведените примери а ги има дузина
СЕОПФАТНОСТ
несеопфатнo
Ги најавува ама не ги отвора
ПРИСТРАСНОСТ
делумно прикажува вистина
не може да се утврди
Нема доволно информации
Не може да се утврди
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
неповрзан со тагови