verifikimiifakteve.mksitemap
verifikimiifakteve.mksitemap

Рецензија: Премиерот го збунил професорскиот пленум – по консултациите со СДСМ професорите побегнаа од дебата

on 9 - 01 - 2015       
Овој напис го има и на: Албански

 

Firefox_Screenshot_2015-01-08T23-25-09.136Z-crop-resize

 

Имаме тенденциозен текст кој делумно се темели на факти, кои, пак, се искривоколчени до таа мера што сериозно е разнишана вкупната вистинитост на материјалот. Во суштината лежи длабок спин, би рекле со политичка заднина, чија цел е да ја дефокусира публиката од главната тема – владиното инсистирање, наспроти професорските и забелешките на студентите, по секоја цена да воведе „новини“ во високото образование.

Firefox_Screenshot_2015-01-08T23-25-09.136ZЛинк до оригиналниот напис: Премиерот го збунил професорскиот пленум – по консултациите со СДСМ професорите побегнаа од дебата

Датум и време на објавување: 05.01.2015, 14:17

Датум на рецензирање: 08.01.2015

Рецензент: Владимир Мирчески

 

ПРОФЕСОРИТЕ ЗБУНЕТИ, ОПОЗИЦИЈАТА КАБАЕТ?!

Како што веќе споменавме, вистинтоста е сериозно поткопана од неколку причини. Првата: имаме факти кои се криво насадени, секако намерно. Да, точно е дека имаше неочекувана реакција од членови на „Професорски пленум“, кои, очигледно изненадени од „влетувањето“ на премиерот на нивната прес-конференција, прифатија, па потоа се повлекоа од неговата покана да учествуваат на т.н. дебата во Собранието. Но, таквиот потег секако не ја оправдува формулацијата дека тоа било „направено во координација со СДСМ“. Не знам каде се аргументите за ваквото тврдење, бидејќи нив, едноставно, ги нема во написот.

Ако обвинувате за „опозициско вмешување“ во професорската иницијатива, секако мора да имате кредибилни докази со кои би излегле пред читателите. Втора причина за проблематична вистинитост: се вели дека професорите се против реформата во високото образование, што е невистина, бидејќи нивните јавно изнесени позиции се дека се за промени, но такви за кои претходно ќе бидат консултирани и во ќие подготвување тие ќе бидат вклучени. Третата причина е нецелосното опишување на настанот – упадот на премиерот и неговото нахално однесување кое не соодветствува на функцијата што ја извршува и канењето „сега“ да се разговара за предложените измени. Токму тука е спинот бидејќи Владата, поточно нејзниот прв човек, кој директно го презеде менаџирањето на целото прашање, покажува некаква волја за кооперативност дури откако измените „дебело загазија“ во собраниска процедура. Значи, работата е „ајде да разговараме, ама знајте дека основата веќе е поставена“. Овој елемент во материјалот недостига.

Работата не е најчиста и во делот на изворите на информации. Околу консултирањето со СДСМ нема каков било кредибилен аргумент. Дополнително, не се најкоректно и во целост пренесени дел од клучните изјави на професорите. Оттука и не може да се очекува дека содржајноста би добила добра оценка. Впечатокот е дека се сакало да се „претрча“ преку целиот сложен настан и да се издвои само она што некому му фатило око – „Премиерот дојде, професорите неспремни“! Исто така, неизбежна е и целокупната атмосфера на едностраност и презентирањето само на една страна од паричката. Впрочем, самиот наслов јасно ни кажува во која „насока оди овој текст“:

„Премиерот го збунил професорскиот пленум – по консултациите со СДСМ професорите побегнаа од дебата“

Конечно, сметам дека од овој напис „збунета“ и неинформирана ќе остане само публиката.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

неточни наводи

делумно

infoVistinitostИЗВОРИ НА ИНФОРМАЦИИ

и да и не

официјални, анонимни

релевантни, нерелевантни

повеќе извори

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

не може да се утврди

наклонетост

политичка пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

најверојатно е оригинал

ненаведен автор

infoVistinitostКВАЛИТЕТ НА НАСЛОВОТ

дезинформира

креативен

сензационален

несоодветен

тенденциозен

infoVistinitostФОТОГРАФИЈА

има

несоодветна

манипулира

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

неквалитетни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести