Површна, нецелосна информација за објавувањето „бомби“ да стане кривично дело
Објавено во Рецензии
on 9 - 10 - 2015 Автор: Оливера Војновска
[Рецензија: Предлог за нов закон: Објавувањето „бомби“ да стане кривично дело]
На читателите им е понудена површна, нецелосна информација за намерата на двете владејачки партии , ВМРО-ДПМНЕ и ДУИ, со закон да се забрани објавувањето на прислушуваните материјали, за што коалициските партнери доставија (6 октомври 2015 година) предлог во Собранието. Написот премолчулва многу битен момент – дека медиумите може да се сооочат со драконски затворски казни, доколку објават разговори или транскрипти од таканаречените опозициски „бомби“.
Линк до оригиналниот напис: Предлог за нов закон: Објавувањето „бомби“ да стане кривично дело
Датум и време на објавување: 06.10.2015, 15:14
Датум на рецензирање: 07.10.2015
Рецензент: Оливера Војновска
А ЗАТВОРСКИТЕ КАЗНИ?
Веста што ја рецензираме е половична. Имено, таа соопштува дека пратеничките групи на ВМРО-ДПМНЕ и на ДУИ поднеле во Собранието законски предлог „со кој се бара да се запре со објавувањето на аудио снимките што ги објавуваше опозицијата“.
Кажува дека во случај овој закон да се усвои сите медиуми од своите веб-страници ќе треба да ги избришат своите објави поврзани со прислушуваните разговори. А, ако некогаш повторно ги реобјават или ги искористат на каков било начин, кривично ќе одговараат. Во текстот има и куса изјава од еден од подносителите на предлог-законот (пратеникот од ДУИ, Талат Џафери) и таа е коректно пренесена. Фактички, материјалот во целина нема проблем со вистинитоста. Но, спорно е тоа што е недоречен – некомплетен.
Недостига делот што се однесува на високите санкциите што ги предвидува предлог-законот за ваквото „кривично дело“.
Поточно, во членот 4 од ова законско решение е наведено дека секој што ќе објави прислушувани разговори или фрагменти од нив, во земјата или во странство, ќе се казни со затвор од најмалку четири години. Доколку, пак, поради објавувањето на вакви разговори се случи некој да почине, казната се зголемува на минумум 10 години.
Така што, наспроти принципите утврдени во новинарскиот Кодекс – првиот амандман, каде, меѓу другото, е наведено дека новинарот нема да прикрива суштински податоци, на јавноста не ѝ се кажуваат важни информации што говорат за тоа каква цензура им се заканува на медиумите. И, токму нивното прикривање ја прави веста политички пристрасна и испраќа фалична слика за споменатиот предлог-закон на ВМРО-ДПМНЕ и на ДУИ.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
не може да се утврди
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
поврзан со тагови