Рецензија: По Путин во Белград, Иванов со светските моќници и Македонците од Србија
Објавено во Рецензии
on 19 - 11 - 2014 Автор: Владимир Мирчески
Ако важи дека „доброто вино, но без добра амбалажа веднаш губи вредност“, тогаш овој текст го потврдува правилото дека лошиот наслов вкупно го нагрдува целиот производ. Непотребното и вонконтекстуалното интервенирање во насловната конструкција е главната причина зошто написот, кој во основа е коректен, сериозно паѓа на скалата на квалитетот.
Линк до оригиналниот напис: По Путин во Белград, Иванов со светските моќници и Македонците од Србија
Датум и време на објавување: 02.11.2014 15:49
Датум на рецензирање: 17.11.2014
Рецензент: Владимир Мирчески
ПУТИН ВО НАСЛОВОТ, А НИТУ „П“ ОД ПУТИН ВО ТЕКСТОТ
Генерално, вистинитоста на текстот не е спорна. Станува збор за официјална посета на шефот на македонската држава на Србија, средбите со тамошниот државен врв, учеството на состанокот на мистериозната Трилатерална комисија, како и неговите придружни настани – средби со македонското малцинство. Општо, не би имало сериозен проблем ако текстот не беше објавен со наслов кој, во најмала рака, е потпикувачки. Неразбирлив е новинарскиот чекор да се искористи формулација „По Путин во Белград, Иванов со светските моќници…“, а во содржината подолу никаде не се споменува рускиот претседател и која е неговата врска со шефот на македонската државата, освен дека двајцата, со одредена меѓусебна временска разлика, биле во посета на Белград. Значи, нема каква било, од содржински и од контекстуален апсект, причина да се употреби името на рускиот и на македонскиот претседател во насловот. Да, во ред е да се каже дека „Иванов ќе се сретне со светските моќници“ – бидејќи фамозната „Трилатерална комисија“, која се мистифицира како некаква светска влада во сенка, во тој период имаше собир во Белград, но апсолутно нема место и за Путин во насловната конструкција, бидејќи, едноставно, тој не бил во главниот град на Србија кога и Иванов и не бил на состанокот на Трилатералната комисија. Впечатокот е дека се сакало да ѝ се придаде уште поголема важност на „белградската мисија“ на македонскиот претседател, со тоа што ќе се каже дека „по Путин“ тој дошол во главниот град на Србија за да се сретне со „светските моќници“. Прво, посетата на Иванов имаше билатерален карактер и примарна цел биле состаноците со српските власти, а дури потоа е неговото присуство на „Трилатералната комисија“. Ама, тоа не е така изведено во насловот и делумно се заблудува јавноста, иако, како што веќе напоменавме, содржината е коректна и го следи реалниот тек на настаните: средби со Томислав Николиќ и со Александар Вучиќ, па „Трилатералата“, па посетата на тамошната македонска заедница.
„НАСЛОВОТ ДЕЛОТО ГО КРАСИ“
Таквото „накалемување“ во насловната конструкција најавува добра доза пристрасност и губење од вид на објективноста и на избалансираниот пристап и го намалува квалитетот и коректноста кои постојат подолу во текстот, како и содржајноста која дава релативно добра слика на престојот на Иванов во Србија.
Оттука, да се вратиме на почетокот и на значењето на насловната конструкција за еден новинарски производ. Би ја модификувал позната изрека и би кажал дека „Насловот делото го краси“, што секако не е случај во овој конкретен текст. Еве малку помош за тоа како да се стигне до добар наслов.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
повеќестрани
СЕОПФАТНОСТ
поради насловот и да и не
можеби се прикриени информации
ПРИСТРАСНОСТ
насловот, кој е составен дел, секако не
во насловот да
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
делумно стилски уреден
неповрзан со тагови