verifikimiifakteve.mksitemap
verifikimiifakteve.mksitemap

Напис како трансмитер на говор на омраза

on 25 - 03 - 2015       

FireShot-Screen-Capture-086-Пандов-Македонија-е-нападната-crop-resize

 

[Рецензија: Пандов: Македонија е нападната од домашни шпиуни и предавници]

 

Овој текст има проблем со лошо пренесена изјава на соговорникот кој отворено повикува на мобилизација, ликвидација и притоа употребува говор на омраза и непристоен вокабулар кој не е прифатлив за објавување во медиум. На тој начин се прекршени одредбите на домашните и на меѓународните кодекси на новинарите, кои за вакви пригоди предвидуваат посебна процедура со која на новинарот му се дава право на соговорникот или политичар да му ја ограничи слободата на говорот.

FireShot Screen Capture #086 - 'Пандов_ Македонија е нападната од домашни шпиуни и предавнициЛинк до оригиналниот напис: Пандов: Македонија е нападната од домашни шпиуни и предавници

Датум и време на објавување: 22.03.2015, 13:37

Датум на рецензирање: 23.03.2015

Рецензент: Александар Писарев

 

НОВИНАРОТ НЕ Е МЕГАФОН

Земен е еден сегмент од трибината на Граѓанското движење за одбрана на Македонија, на која политичкиот аналитичар Александар Пандов од свој агол ја објаснува политичката ситуација во Македонија и причините за политичката криза. Притоа, вината за ваквата ситуација ја префрла на лидерот на опозицијата Зоран Заев, медиумите кои се против владините политики, Фондацијата „Отворено општество Македонија“, чиј званичен назив го избегнува и ја нарекува само „Сорос“.

Откако ја утврдил вината и го изнел своето мислење, што е негово демокртаско право, нуди и решение што да се направи со лидерот на опозицијата и со тие што го поддржуваат. И тоа е неговото право и може слободно да го каже на трибината пред потесен круг слушатели. Меѓутоа, новинарот, кој не се потпишал, морал да обрне внимание и да процени дали во тој дел од неговиот говор има ширење на негативни стереотипи, ширење омраза, повик на мобилизација и на ликвидација на политичкиот противник што може кај граѓаните да предизвика вознемиреност. Морал на тоа да обрне внимание, а не го направил – се претворил во обичен мегафон.

„Овој пат цела македонска јавност ќе излезе на улица и ќе ги фатиме и како фекалии ќе ги фрлиме во Вардар, па овој пат Заев наместо пешки ќе може по воден пат да оди до Грција. Овие трибини кои ги одржуваме секаде се масовно посетени и тоа е доказ дека Македонецот ја препознава вистината, вели Пандов.“

 

НЕМА МЕСТО ЗА АМНЕСТИЈА

Новинарот овде не употребил говор на омраза и не повикал на мобилизација и на ликвидација на лидерот на опозицијата, туку е само во улога на трансмитер на таков говор, дистрибутер или мегафон, преку кој споменатиот аналитичар на овој начин ги соопштувата своите пораки.
Бидејќи пораките се вознемирувачки, новинарот кој ги пренел не може да се амнестира од одговорност.

Советот на Европа и Кодексот на новионарите на Меѓународно здружение на новинарите (IFJ) воспоставиле правила како новинарот треба да го пренесе директното обраќање на некој субјект – политичар, аналитичар, лидер на политичка партија, член на НВО, владата или премиерот кога тој употребува говор на омраза, напаѓачки квалификации, навреди и на тој начин може да предизвика негативна стереотипизација, вознемиреност кај граѓаните или да го загрози животот на политичкиот противник.

Во нашата практика новинарите најчесто експлицитно го пренесуваат говорот на омраза и при тоа сметаат дека се амнестирани од одговорност. Тие поради туѓи зборови навистина не можат да трпат некакви правни консеквенци, но имаат етичка одговорност. Затоа во европската практика ваквите настапи на разни трибини, јавни манифестации се „санкционираат“ на два начина.

Новинарот има право на одреден политички субјект да му ја ускрати слободата на говорот, така што тој дел од неговото излагање, во рамките на саморегулацијата, нема да го објави. Втората можност е тој дел од говорот, каде има елементи на говор на омраза, да го стави во некаков контекст и притоа ќе укаже дека во неговото излагање има недозволиво користење на говорот на омраза и повик на мобилизација, но во никој случај не треба експлицитно да го пренесе.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

не може да се утврди точноста на наводите

неверодостојни наводи

infoVistinitostИЗВОРИ НА ИНФОРМАЦИИ

има евидентирани извори

неофицијални

нерелевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

извртување на вистина (спин)

лажни информации

наклонетост

политичка пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

навредлив говор

говор на омраза

потикнува на насилство

дискриминира

infoVistinitostУРЕДЕН ЗА ВЕБ

средно читлив

неквалитетни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести