verifikimiifakteve.mksitemap
verifikimiifakteve.mksitemap

Сервис за проверка на факти од медиумите

Проект на УСАИД за зајакнување на медиумите во Македонија
USAID Logo

Рецензија: Ова се најопасните антибиотици кои се продаваат во аптеките

on 10 - 10 - 2013       
Овој напис го има и на: Албански

Ова-се-најопасните-антибиотици-кои-се-продаваат-во-аптеките crop resize

„Ако го слушнете името ципрофлоксацин, гемифлоксацин, левофлоксацин, моксифлоксацин, норфлоксацин, офлоксацин бегајте! Тоа се шест антибиотици кои можат да предизвикаат трајни оштетувања на нервите, што потврдила и американската Агенција за храна и лекови (ФДА)“.

Во последно време зачестија текстовите со кои се изразува скепса кон антибиотиците. Еден од нив, со сензационален наслов и содржина, го провлекува вниманието. Се работи за широка палета на лекови што ги употребуваат многу лица во овој миг и кај кои веста секако предизвикува шок. Но, од тоа произлегува и обврската со ваквите вести да не се биде „скржав“, туку да се дадат повеќе образложенија и да се види како кон неа се однесуваат нашите здравствени власти (Бирото за лекови, на пример). Но, затоа веста се презема од сајт кој не се познава и веројатно, преку трета или четврта рака на обработка. Инаку, веднаш би станало јасно за каков некредибилен извор се работи.

'Ова се најопасните антибиотици кои се продаваат во аптеките

Линк до оригиналниот напис: Ова се најопасните антибиотици кои се продаваат во аптеките

Датум и време на објавување: 06.10.2013

Датум на рецензирање: 09.10.2013

Рецензент: Љубомир Костовски

Вистинитост: Изворот на информации е само еден линк (LewRockwell.com), кој тематски не е врзан за медицината и е доста широк во својата, така да се рече, борба против „општествените зла“, при што фармацевстките фабрики кај него се на лош глас. Пред сѐ, во ваквите текстови недостасува дури и линк кон ФДА, односно американската институција од каде наводно произлегува оваа вест.

Извори на информации: Освен споменатиот линк, кој не може да се земе како сосема веродостоен извор, бидејќи сајтот е, се чини, идеолошки ненаклонет кон корпорациските системи, неопходно е да постои мост и кон домашните извори. Дури и да се побарало мислење од некој медицински авторитет?! Но, тоа отсуствува.

Содржајност: И додека кај изворите текстот е тенок, кај описот на штетните ефекти на антибиотиците постои прилична подробност. Така, опишани се симптомите во детали (од негативниот ефект на земањето на антибиотиците од  групата флуорохинолони), а се додадени и конкретните негативни ефекти врз одредени човечки органи. Конечно, ги има и најранливите групи при конзумирање на лековите, кои, да додадеме, кај нас се во употреба, нешто што требало да се има предвид, односно тоа да даде еден посеопфатен увид во проблемот (темата).

Пристрасност: Преземајќи го некритички она што е објавено на споменатиот сајт, порталот автоматски се јавува како негова продолжена рака, се чини и без да биде свесен во што се впушта односно претвора! Значи и против модерната медицина за која смета дека е експлоататорска и алчна, што како теза не може да се одбегне, но мора да се докаже во секој конкретен случај! Името на сајтот, инаку е дадено според еден познат анархо-синдикалист, да појасниме за порталџиите, кои и натаму, евентуално, ќе користат „услуги“ на истиот.

Оригиналност/Плагијат: Текстот е преземен и обработен. Сосема е сигурно дека не е авторски. Комплетно во иста форма, како на овој портал, со мали варијации кај насловот, постои  и на најмалку два други сајта.

Квалитет на насловот: Насловот е сензационалистички и застрашувачки во исто време и со градација која не може да ја оправда конкретната употреба. Зборот „најопасни“ е проблематичен за „слободна употреба“, без да се објасни кои се тие антибиотици што се помалку опасни, а кои, пак, би биле оние безпасните, на пример.

Фотографија: Текстот има само една фотографија која прикажува грст лекови во раката на веројатен пациент. Тоа е илустрација која ја нагласува човечката „незаштитеност“ кога се лековите во прашање.

Заклучок:  Огромниот број на портали, како и популарноста на вестите од областа на здравјето, едноставно водат кон стихијно полнење на наменските страници – содржини. При тоа, како да се нема одговорност токму кон читателите и кон фактот дека вестите од овој тип се меѓу најодговорните, каде место „страшила“ ни треба документираност и заснованост на сигурни факти.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални

нерелевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

не може да се утврди

не може да се утврди

не аплиактивно

комерцијална пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

делумна копија

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

соодветен

тенденциозен

infoVistinitostФОТОГРАФИЈА

има

соодветна

манипулира

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

делумно стилски уреден

поврзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за најнови вести