Рецензија: Ова е најубавата вест за денеска
Објавено во Рецензии
on 29 - 04 - 2014 Автор: Мирослава Симоновска
На една вообичаена, сосема регуларна сервисна информација која се однесува на временската прогноза ѝ се дава сосема невообичаен, претерувачки наслов кој не само што покажува став на авторот кон темата и е субјективен, туку и не соодветствува воопшто со содржината на текстот. Со други зборови, доколку едно нешто за некого е најубавата вест во денот, за друг тоа не е, а читателот самиот треба да донесе суд. Со датумот на објавување на текстот коинцидира и верскиот празник Велигден, па се наметнува и прашањето дали читателот од христијанска вероисповед нема да помисли дека станува збор за објава поврзана со Христовото Воскресение.
Линк до оригиналниот напис: Ова е најубавата вест за денеска
Датум и време на објавување: 20.04.2014, 9:12
Датум на рецензирање: 21.04.2014
Рецензент: Мирослава Бурнс
Вистинитоста не може да се анализира во ситуација кога насловот не е компатибилен и е крајно субјективен. Тој остава впечаток на сензационализам. Неспорна е неговата креативност, но притоа тој воопшто не упатува на содржината на која се однесува. Особено што временската прогноза содржи информации и за сонце и за облаци и за дожд, па не е јасно што од тоа е најубавата вест во денот. Неспорно е дека информацијата е добиена од официјална институција, па оттука содржината на самиот текст е точна. Овој текст има функција да биде информативен и затоа толковниот наслов не му прилега. Тој е претерувачки.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
се подразбира дека е УХМР
анонимни
релевантни
1 извор
СЕОПФАТНОСТ
сеопфатнo
нема прикриени информации
ПРИСТРАСНОСТ
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
креативен
сензационален
несоодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови