Рецензија: Од полноќ можна финансиска блокада на американската Влада
Објавено во Рецензии
on 2 - 10 - 2013 Автор: Александар Писарев
Поради неусогласените ставови на републиканците и демократите во американскиот Сенат, нема да биде донесен буџетот на земјата за идната година. Тоа ќе предизвика финансиска блокада на Владата со што некои суштински институции нема да работат. Додека не се разреши проблемот многу вработени ќе одат на привремен одмор. Нема да работат најпосетуваните музеи, галерии, национални паркови.
Линк до оригиналниот напис: Од полноќ можна финансиска блокада на американската Влада
Датум и време на објавување: 30.09.2013 17:57
Датум на рецензирање: 1.10.2013
Рецензент: Александар Писарев
Вистинитост: Порталот тргнал од актуелноста на темата и нејзиното присуство во сите светски и регионални медиуми и едноставно од некаде ја ископирал без да наведе извор или направил компилација од неколку текстови.
Извори на информации: Нема конкретен извор на информации, нема повикување на изјава.
Содржајност: Текстот е содржаен, на моменти пренесува драматичност од новонастанатата ситуација. Го објаснува детално новиот миг во политичкиот живот на САД и последиците кои ќе произлезат од финансиската блокада на американската Влада. Сепак, на текстот му недостасува бекграунд дека САД биле во идентична ситуација и пред 17 години во времето на претседателот Бил Клинтон кога финасиската блокада траеше три недели.
Коментирање: Пред крајот на написот има коментаторски сегмент.
„Една од работите за кои граѓаните вероватно нема да протестираат многу е најавата на даночната служба ИРС дека во случај на блокада на Владата ќе престане да врши нови истраги за даночни прекршоци. Но, сепак, граѓаните и натаму ќе мораат да плаќаат даноци.“
Оригиналност/Плагијат: Написот не е потпишан, нема, автор, нема извор и може да се смета за плагијат.
Фотографија: Текстот има само една фотографија која го прикажува американскиот Сенат. Таа нема легенда и нема извор.
Заклучок: Во трка со времето да биде прв и ексклузивен во преземањето информација од светските или регионални медиуми, порталот „заборавил“ да стави извор на информацијата. Не се потрудил во целата информација барем малку да има бекграунд, да внесе и своја креативност.
Кога веќе укажува дека нема да работат музеи и национални паркови, галерии, можело да се побараат дополнителни информации на интернет и да се наведе колку луѓе од целиот свет ги посетуваат овие знаменитости (дневно или месечно, на пример). Вака, особено што нема никаков извор на текстот, се добива впечаток како да станува збор за типичен пример на копи/пејст.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
не може да се утврди
нема повикување на извор
СЕОПФАТНОСТ
сеопфатнo
нема прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
информира
некреативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски неуреден
неповрзан со тагови