Рецензија: Објавени снимки од нуклеарни проби во САД од 1995 (видео)
Објавено во Рецензии
on 6 - 10 - 2015 Автор: Владимир Мирчески
[Рецензија: Објавени снимки од нуклеарни проби во САД од 1995 (видео)]
1955 или 1995 година?
Линк до оригиналниот напис: Објавени снимки од нуклеарни проби во САД од 1995 (видео)
Датум и време на објавување: 02.10.2015 11:13
Датум на рецензирање: 03.10.2015
Рецензент: Владимир Мирчески
„ФАБРИЧКА ГРЕШКА ВО ГОДИНАТА НА ПРОИЗВОДСТВО“!
Пак ќе прашаме 1955 или 1995 година? Токму тука е проблемот со оваа вест. Ни се пласираат разни години како одредници за видеоматеријалот што прикажува нуклеарни проби на САД извршени во Невада. Искрено, ме збуни насловот, впрочем тоа и ми го привлече вниманието – дека во 1995 година Вашингтон спровел проби на нуклеарно оружје на американско тло?!? Во најмала рака симптоматично тврдење, имајќи ги на ум строгите закони и еколошки правила на САД, дека најмоќната воена сила на крајот од 20 век на своја територија би вршела тестови со најсмртоносното оружје некогаш измислено. Плус, не треба да се заборави дека САД, заедно со тогашниот СССР и со Велика Британија, уште во 1963 година го потпишува Договорот за ограничено нуклеарно тестирање, кој јасно забранува какви било надземни, атмосферски или подводни нуклеарни проби, а снимките со кои написот е проследен прикажуваат експлозија која не е подземна. Натамошното читање на текстот не ја појаснува темата, туку дополнително ја проблематизира. Пак се споменува 1995 година, за на крајот да се наведе дека одобрувањето на тие проби било со потпис на американскиот претседател Двајт Ајзенхауер во 1954 година. Аха, еве ја сржта на „фабричката грешка“. Да, видеозаписот е од нуклеарни проби, да тие се вршеле во Невада, но не во 1995, туку во 1955 година. Имено, Ајзенхауер е претседател на САД од 1953 до 1961 година, период што се совпаѓа со времето кога тој ги одборил тестовите во Невада. Изненадува што ваков превид ѝ се случува на една агенција, извештена во пласирање ваков тип информации, а дополнителен отежнувачки фактор е што оваа преземена вест, што е јасно наведено во оригиналното „пакување“, ја има изнесено вистинската година – 1955.
Ненамерна грешка, превид од брзање, како и да е, сепак е грешка.
Новинарот треба да објавува точни, проверени информации… – член 1 од Кодексот на новинари на Македонија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
СЕОПФАТНОСТ
нема прикриени информации
ПРИСТРАСНОСТ
делумно прикажува вистина
нема извртување на вистина (спин)
има грешна информација
балансираност
КОМЕНТИРАЊЕ
нема коментаторски елементи
ПЛАГИЈАТ
целосна копија (агенциска вест)
наведен автор
КВАЛИТЕТ НА НАСЛОВОТ
дезинформира
некреативен
нејасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
неповрзан со тагови