Kако пустата желба за кликнувања ја убива вистинитоста
Објавено во Рецензии
on 10 - 10 - 2015 Автор: Владимир Мирчески
[Рецензија: Обесена снимателката од Унгарија која ги сопнуваше мигрантите]
Многу промашен наслов…
Линк до оригиналниот напис: Обесена снимателката од Унгарија која ги сопнуваше мигрантите
Датум и време на објавување: 05.10.2015, 20:42
Датум на рецензирање: 08.10.2015
Рецензент: Владимир Мирчески
Вистинитоста во секој новинарски текст зависи од тоа дали информацијата е точна во сите сегменти на производот. Тоа подразбира дека елементите од кои е составен написот мора меѓу себе да кореспондираат во делот на вистинитоста. Не може насловот, како во овој случај, да отскокнува од содржината. Апсолутно е недозволиво сензационалноста во насловната конструкција, пласирана поради пустата желба за кликнувања, да ја засени точноста. Да расчистиме, снимателката што стана цел на гневот на светската јавност по нејзиниот безумен чин, не е обесена, како што овде се објавува. Поточно, босански уметник нацртал карикатура во која снимателката е врзана за едната нога со главата надолу, што јасно е кажано во содржината на истиот напис. Значи насловната конструкција е невистинита, тенденциозна и ја води публиката во погрешна насока.
Новинарот треба да објавува точни, проверени информации… – Кодекс на новинари.
Идејата на насловот во голема мерка треба да зависи, да извира од текстот на кој се однесува, да соодветствува на податоците, гледиштата од текстот“ – Новинарски жанрови.
Откако утврдивме дека конкретниот наслов по секоја основа е неприфатлив, за во иднина да не се повторуваат вакви случаи, ќе наведеме што дел од светските стандарди за пишување насловна конструкција.
Четири императиви за пишување наслови:
- мора да бидат точни;
- мора лесно да се разбирливи;
- мора да привлечат внимание;
- мора да го одреди тонот на написот.
Тест: Вкус-атрактивност-јасност-вистинитост
- дали има елементи на невкус?
- дали го привлекува вниманието на читателите?
- дали брзо и јасно ќе комуницира?
- дали е точен, вистинит?
(Школа за новинарство, Универзитет „Колумбија“)
Значи, виси снимателката, ама на карикатура, а она што е обесено, за жал, е вистинитоста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
ако се чита само насловот „не“
веродостојни наводи
ИЗВОРИ НА ИНФОРМАЦИИ
има евидентирани извори
официјални
1 извор
СЕОПФАТНОСТ
не ги соопштува како што треба
ПРИСТРАСНОСТ
делумно прикажува вистина
извртување на вистина (спин)
лажни информации
Не може да се утврди
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
и да и не
селективно наведен автор (извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови