verifikimiifakteve.mksitemap
verifikimiifakteve.mksitemap

Сервис за проверка на факти од медиумите

Проект на УСАИД за зајакнување на медиумите во Македонија
USAID Logo

Рецензија: Новинарите кои навредуваат и шират говор на омраза се со нестабилен психолошки профил

on 19 - 03 - 2014       

03182014-Psihologija-Netpre-crop-resize

Медиумската содржина  што ја рецензираме има три сериозни проблеми: еден се однесува на преголемата лесностија со која еден експерт психолог изведува „дијагноза“, вториот се однесува на крајно сомнителната автентичност на тој експерт психолог, а третиот проблем се однесува на пристрасноста и фокусот на многу прецизна група новинари на кои им се „лепи“ од ракав истресениот психолошки профил на крајно сомнителниот психолог.

03182014-Psihologija-NetpreЛинк до оригиналниот напис: Новинарите кои навредуваат и шират говор на омраза се со нестабилен психолошки профил

Датум и време на објавување: 21.02.2014, 09:0

Датум на рецензирање: 23.02.2014

Рецензент: Зоран Бојаровски

Ајде по ред: Нашата консултација со психолози и психијатри во врска со поставувањето на дијагнози какви што се обидува да направи овој текст нѐ уверуваат дека тоа не е можно само врз основа на напишани новинарски текстови. За да се изведе нешто такво потребне е сериозен пристап со методологија соодветна за психолошко профилирање после низа интервјуа и истражувања поврзани со историјата на однесувањето на профилираниот.

Она што го има во медиумската содржина која ја рецензираме, а што е наведено како мислење на извесниот „психолог“, според мислењето на психолозите што ги консултираше рецензентот на оваа новинарска опсервација, е премногу општа констатација која е невозможно туку-така да се аплицира како стручно мислење за конкретни луѓе и за нивното однесување.

Освен тоа, велат психијатрите и психолозите што ги контактиравме, многу е тешко да се разлачи политичкиот јазик на новинарите како средство за комуникација во одреден период, со карактерните особини на личностите. Тие не мора да имаат директна причинско-последична врска.

 

КОЈ Е СПОМНАТИОТ ПСИХОЛОГ?

Вториот проблем: „психологот“. Нашето пребарување на интернет не даде никакви резултати во врска со ова име и презиме, освен линковите до овој текст и до медиумите што го презеле овој ист текст. Ништо повеќе за психологот со име и презиме од написот. Се разбира, ние не останавме само на гуглањето на интернет. Но, и истражувањето за автентичноста на ова име со психолошка експертиза во двете комори, онаа на психолозите и онаа на психијатрите, не даде резултати. Официјалните извори во овие две комори нѐ известија дека не постои психолог, ниту психијатар со такво име и презиме, регистрирано кај нив или со лиценца за вршење психолошко советување или психијатриска терапија.

Постои можност психолог со такво име и презиме да работи „на диво“, но тоа сериозно ја доведува во прашање неговата експертиза.

Во самиот текст, освен зборот „психолог“ и неговото име и презиме, не постои ништо што поблиску може да ја определи автентичноста на експертот, ниту пак степенот на неговата стручност. Кој е тој? Каде работи? Каква е неговата специјалност? Кои се неговите референци? Макар еден од овие елементи е нешто што мора да биде придружено до името на некој експерт кога се наведува негово мислење.

И третиот проблем е резултат на предавството на совеста кој ја открива перистрасноста во оваа медиумска содржина во реченицата:

„Особено тоа добива алармантна форма кај дел од опозициските новинари кои се познати бранители на ставовите на СДСМ“

Фокусот во овој текст од „стручното мислење“ на „психологот“ се насочува на „бранители(те) на ставовите на СДСМ“. Со тоа приказната за било каква објективност завршува.

Како заклучок во рецензијата за оваа медиумска содржина, ќе го нагласиме огромното количество негативната енергија која се манифестира во оваа непринципиелна и крајно бескруполозна битка во медиумскиот простор кај нас. Изненадува развлекувањето на границите. Тогаш кога ќе помислите дека е допрено дното, откривате ново – дупло.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

не може да се утврди

не може да се утврди

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

целосна копија

наведен извор со линк

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

нема

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

дискриминира

политичка дискриминација

infoVistinitostУРЕДЕН ЗА ВЕБ

нечитлив

не апликативно

има контекстуални линкови

стилски неуреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за најнови вести