verifikimiifakteve.mksitemap
verifikimiifakteve.mksitemap

Рецензија: Момче од Штип повредено од заталкана дијабола

on 24 - 06 - 2014       
Овој напис го има и на: Албански

FireShot-Screen-Capture-001-КАНАЛ-5-Телевизија-kanal5_com_mk_vesti_detail_asp_ID42471-crop-resize

Подобро е веста да биде кратка и јасна, отколку со сила да се развлекува, при што на виделина излегува елементарно непознавање на темата за која се пишува. Веста која ја рецензираме е од јавен интерес и заслужува внимание. Насловот сосема јасно кажува што се случило и на што треба да се внимава кога во раката се држи оружје, во овој случај воздушна пушка. Но, содржината која следува понатаму може да ги вознемири и збуни граѓаните.

FireShot Screen Capture #001 - 'КАНАЛ 5 - Телевизија' - kanal5_com_mk_vesti_detail_asp_ID=42471Линк до оригиналниот напис: Момче од Штип повредено од заталкана дијабола

Датум и време на објавување: 22.06.2014, 12:19

Датум на рецензирање: 23.06.2014

Рецензент: Александар Писарев

 

КВАНТИТЕТ НА СМЕТКА НА КВАЛИТЕТ

Содржајност на една вест или информација не се збогатува со вештачко билдување за, кога ќе се објави, по форма да биде габаритна. Нејзината содржина треба да биде базирана на точни и проверени информации поткрепени со факти.

Во овој случај тоа го немаме, а габаритот е зголемен со непроверена информација која може да предизвика вознемиреност кај граѓаните дека „наместо врапци, штипјанец бил мета на невнималелен ловџија“. Нема сомнеж дека дијаболата од воздушната пушка завршила во раката на штипјанецот, но со ништо не се потврдени две констатации: дека „некој ловел врапци па погодил момче“ и дека како сторител во прашање е  „невнимателен ловџија„.

 

ДЕЖУРНИ ВИНОВНИЦИ

Неправедно е за секој инцидент со оружје веднаш со прстот да се покажува на ловџиите. Така се стигматизира цела една категорија на граѓани-ловџии, „како невнимателни и опасни по околината“.
Паушална е констатацијата „невнимателниот ловџија се уште не е идентификуван“. Ако не е идентификуван, од каде знаеме дека станува збор за ловџија. Веста не се повикува ни на каков извор кој вели дека тој што пукал бил ловџија. Ловџии, според Законот, не ловат со воздушни пушки и оружјето генерално го поседуваат легално. Тоа можело да се провери во Правилникот за видови оружје што можат да набават.

Настанот се користи и да се актуелизира генералниот проблем со чести повреди од оружјето. Тоа може да биде легитимна содржина на веста, но притоа мора да се внимава формулациите да бидат прецизни и во контекст. Убојното дејство на воздушното (пневматско) и огнено оружје не можат да се изедначуваат и да се стават во ист контекст. „Случајот со ранетото момче, повторно, по повеќе години, го актуелизира пробглемот со ракување на огнено оружје во градска средина“.

Ова асоцира и може да ги вознемири читателите дека „со оружјето се ракува во градска средина“. Ако се сакало да се отвори пошироката тема околу ракувањето со оружје, требало да се објасни дека според Законот, освен за службени лица, на сите други им е забрането да носат оружје на јавни места (Закон за оружје). Несреќите и повредите со оружје, пак, најчесто се случуваат од страна на лицата кои оружјето го поседуваат нелегално.

И, на крајот, фотографијата е крајно вознемирувачка, бидејќи е прикажана софистицирана снајперска пушка со голем калибар која не може да се спореди со воздушна пушка со која „при обрабтка на раната лекарите утврдиле дека 28-годишниот пациент се здобил со лесна телесна повреда, предизвикана од дијабола, односно стандардна муниција за воздушни пушки“.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

нема извртување на вистина (спин)

не може да се утврди

не аплиактивно

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

информира

некреативен

несензационален

соодветен

јасен

infoVistinitostФОТОГРАФИЈА

има

несоодветна

манипулира

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести