verifikimiifakteve.mksitemap
verifikimiifakteve.mksitemap

Сервис за проверка на факти од медиумите

Проект на УСАИД за зајакнување на медиумите во Македонија
USAID Logo

Рецензија: Македонија во топ 8 светски туристички дестинации

on 7 - 07 - 2014       
Овој напис го има и на: Албански

IDIVIDI  Македонија во топ 8 светски туристички дестинации-crop-resize

Сосема е во право нашиот читател кога побара „третман“ од Сервисот за проверка на факти во медиумите за медиумската содржина што е предмет на оваа рецензија.

„Нема линк од оригиналната вест ниту информација за тоа кој портал го направил рангирањето и врз основа на кои критериуми. Како читател се чувствувам измамено бидејќи потрошив 5 минути од своето време мислејќи дека ќе прочитам атрактивна и релевантна информација.“

Освен што веќе стануваат сѐ почести реакциите на корисниците кога станува збор за вакви непрофесионално срочени текстови, што зборува за една медиумски еманципирана публика, нашиот читател е во право за сите точки во неговиот приговор на овој текст.

IDIVIDI  Македонија во топ 8 светски туристички дестинацииЛинк до оригиналниот напис: Македонија во топ 8 светски туристички дестинации

Датум и време на објавување: 28.06.2014, 11:32

Датум на рецензирање: 03.07.2014

Рецензент: Зоран Бојаровски

Секој може да се посомнева во вистинитоста на оваа информација зашто таа ги нема елементарните референци што треба да ја потврдат: линк до изворникот, односно креаторот на оваа листа на наводни светски дестинации.

За волја на вистината, медиумот што ја објавил веста ја презел веста од друг портал, кој, пак, истата вест ја презел од некој српски интернет медиум. Тоа, сѐ уште не ја прави оваа информација веродостојна, бидејќи сѐ уште го немаме изворникот.

Овој суштествен елемент ја прави информацијата пристрасна што не е одлика на еден одмерен, објективен пристап, соодветен на професионален журналистички став.

Уште во првиот член на Кодексот на новинарите се нагласува:

„Новинарот има право на слободен пристап до сите извори на информирање што се од јавен интерес.

Новинарот треба да објавува точни, проверени информации и нема да прикрива суштински податоци и да фалсификува документи.

До колку информацијата не може да се потврди, или станува збор за претпоставка, односно шпекулација, тоа треба да се каже и да се објави.

Точноста на информацијата треба да се провери колку што е тоа можно.“

Ова не е информација која не може да се провери, ниту, пак, има причина да не се објави изворот. Напротив, тоа ќе му дадеше тежина и веродостојност на овој текст. Вака, сенешто може да си помисли човек.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални

нерелевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

не може да се утврди

не може да се утврди

наклонетост

друга пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

целосна копија

наведен извор без линк

infoVistinitostКВАЛИТЕТ НА НАСЛОВОТ

Не може да се утврди

некреативен

несензационален

соодветен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *