Криење на изворот за предимензионирање на посетата на премиерот
Објавено во Рецензии
on 30 - 06 - 2015 Автор: Оливера Војновска
[Рецензија: Македонија и Франција покажуваат интерес за продлабочување на економската соработка]
Основиот проблем со овој материјал е што нема посочено извор за информациите кои ѝ се соопштуват на јавноста. А, таа, секако, има право да знае од каде потекнуваат.
Линк до оригиналниот напис: Македонија и Франција покажуваат интерес за продлабочување на економската соработка
Датум и време на објавување: 27.06.2015, 09:52
Датум на рецензирање: 28.06.2015
Рецензент: Оливера Војновска
А ИЗВОРИ?
Станува збор за куса информација за економската посета на премиерот Никола Груевски на Франција, во која се соопштува дека тој се сретнал со сенаторот Алаин Ричард, специјален претставник на француската влада за економски односи со земјите од Балканот. Притоа се вели:
„Соговорниците се согласија дека Македонија и Франција покажуваат интерес за постојан развој и продлабочување на економската соработка.“
Истата поента е извлечена и во насловот.
Меѓутоа, од текстот не може да се разбере како се добиени информациите за средбата на шефот на македонската влада со францускиот сенатор, иако, најверојатно, се работи соопштение од владината прес-служба, бидејќи истата информација во речиси идентична форма беше објавена во повеќе медиуми. Разликата е во тоа што во нив е посочен изворот на информации. Материјалот што го рецензираме, пак, изгледа како да е пишуван од личност која била на местото на настанот .
За одбележување е и тоа што во првата врезија на веста точно е лоциран изворот. Таму е наведено: „информираат од владината прес- служба“, но потоа некој проценил дека ваквата локација треба да отпадне.
И токму со ваквиот пристап, текстот добива една манипулативна нота. Имено, иако во него се пренесуваат само впечатоците на премиерот од разговорите во Париз (без да се даде и изјава од Ричрад), написот генерализира:
„Соговорниците се согласија дека во наредниот период треба да се охрабрат двете држави и приватните субјекти за зголемена економска и трговска соработка.“
Па, со оглед на тоа што не е прецизиран изворот на информации, се создава привид дека е во прашање заеднички став на двајцата соговорници, а не импресии или интерпретација на владината служба. Тоа, истовремено, остава простор за сомнеж дека идејата, сепак, била да се предимензионира посетата на премиерот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
делумна копија
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови