Рецензија: Лавина негодувања поради верскиот ритуал во државно училиште
Објавено во Рецензии
on 11 - 12 - 2013 Автор: Мирослава СимоновскаСветол пример на новинарство кое може да биде и критичко и воспитано во исто време, во смисла на запазување на новинарските стандарди, етичкиот кодекс, како и професионализмот. Новинарот отвора тема од јавен интерес. За пофалба е и „стегнатиот“ дискурс и успехот во во кусо време, колку што дозволува просторот на телевизиското новинарство, да се сместат многу изјави, да се претстават гледиштата на повеќето засегнати страни или барем да му се покаже на гледачот дека постоел новинарски обид да се дознае ставот на сите засегнати, но тие одбиле да го дадат. Овој прилог е втор во низа, откако е отворена приказната за изведување верски обред во училиште.
Линк до оригиналниот напис: Лавина негодувања поради верскиот ритуал во државно училиште
Датум и време на објавување: 07.12.2013
Датум на рецензирање: 07.12.2013
Рецензент: Мирослава Бурнс
Вистинитост: Фактите изнесени во прилогот оставаат впечаток на вистинитост токму поради завршената новинарска работа, односно извршените проверки, контактирањето на повеќе извори, како и поради предноста на телевизиската продукција споредено со весниците, а тоа е да се понуди видео снимка од обезбедените изјави, што дефинитивно оди во прилог на веродостојноста и вистинитоста. Новинарот ги атрибуира своите информации што е професионално.
Извори на информации: Бројот на застапени извори е за пофалба, како и постапката новинарот да ѝ соопшти на јавноста кои извори што ги контактирал одбиле да го искажат својот став. Користени се исклучиво официјални извори, а има и анкета со родителите на учениците, што е ретка прилика да се застапени нивните ставови на почетокот на текстот.
Содржајност: Текстот е содржаен од аспект на информациите што се изнесуваат, односно дава нови детали за развојот на состојбата откако во училиштето се изведувал обредот на верска слава. Се држи тензијата, се бара одговорност, се соопштува законската рамка во која може да се делува, со што на гледачот му се предочуваат повеќе страни од проблемот.
Пристрасност: Не може да се воочи пристрасност од страна на новинарот.
Коментирање: Во прилогот нема коментари. Сите изјави се уредно атрибуирани, односно припишани на извор.
Оригиналност/Плагијат: Станува збор за изворно создаден прилог, во кој е воочлив трудот на новинарот да ги пренесе ставовите на многу инволвирани страни за ситуација која е од јавен интерес и предизвикува внимание кај јавноста.
Квалитет на насловот: Насловот е коректен, но некреативен. Во секој случај, тој суштински го отсликува она на што текстот се однесува.
Фотографија: Поставената фотографија е коректна, поставена е комплементарно за да го надополнува текстот и видеото.
Заклучок: Станува збор за примерен медиумски производ, создаден според критериумите на професионалното новинарство, што подразбира дискурс кој не препознава коментар, консултација со сите засегнати страни, соодветна видео-поткрепа и стегнат дискурс. Новинарот со сериозен пристап третира прашање од јавен интерес, го систематизира текстот околу јасно лоцирање на проблемот, со што ја извршува својата општествено-одговорна улога професионално. Авторот на критички начин третира прашање кое е важно за македонското општество, соодветно црта црвена линија, но не преминува на теренот на пристрасноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови