Рецензија: Колку чини телефонот на Нуран Изаири? (ФОТО)
Објавено во Рецензии
on 8 - 07 - 2015 Автор: Fatlume Dervishi
Големиот прилив на информации ги тера медиумите, особено тие на интернет, да се обидат да ја зголемат читаноста поставувајќи насловни конструкции што привлекуваат внимание и поттикнуваат љубопитност, за читателот да ја отвори веста. Се препорачува насловната констукција да поттикне љубопитност, но притоа не занимавајќи се со прашања што не се од јавен интерес.
Линк до оригиналниот напис: Колку чини телефонот на Нуран Изаири? (ФОТО)
Датум и време на објавување: 03.07.2015
Датум на рецензирање: 03.07.2015
Рецензент: Фатлуме Дервиши
Тоа што е навистина јавен интерес во веста што ја рецензираме е делот што се споменува многу малку, и тоа на почетокот на текстот, дека „… министерот за животна средина и просторно планирање, Нурхан Изаири, заедно со градоначалничката на Тетово, Теута Арифи, и со заменик-премиерот, Муса Џафери, извршија инспекција на работите за завршување на системот за водоснабдување на Тетово, со кој ќе се реши долгогодишниот проблем на граѓаните на Тетово“. До тука веста има смисла и јавноста, особено граѓаните на Тетово, кои биле засегнати со овој проблем, ги интересира до каде е процесот за решавање на овој нивен горлив проблем.
Парадоксот почнува кога текстот се фокусира на едно друго, целосно неважно прашање, при што се вели дека „Тоа што паѓаше в очи, повеќе отколку водоводот на Тетово, беше телефонот на министерот Нуран Изаири“.
Бесмислен е наводот дека на еден важен настан за решавање на долгогодишен проблем на граѓаните, повеќе паѓа в очи „скапиот“ телефон на министерот отколку снабдувањето на граѓаните се вода. Во овој случај, текстот, бесправно, се фокусира на еден кадар кој можеби е фатен сосема случајно и го збунува читателот, кој не ги добива потребните информации за тоа како одат работите, до која фаза се стигнати, зошто беа присутни министерот Нурхан Изаири, градоначалничката на Тетово, Теута Арифи, и заменик-премиерот, Муса Џафери, на местото каде што се ивршуваат работите, кое е нивното мислење за одвивањето на работите и, она што сите сакаат да го дознаат, кога ќе заврши овој проект. Читателот повеќе би бил заинтересиран да се информира (или потсети) колку чинел проектот и други детали во врска со него. Телефонот на министерот, кој не може и најдобро да се види, претставува дефокусирање од главното прашање на веста.
Во написот се вели дека сликите се земени од службениот профил на Теута Арифи, со што се става до знаење дека новинарот не бил на местото на настанот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
нема факти
Нема наводи
ИЗВОРИ НА ИНФОРМАЦИИ
има евидентирани извори
официјални
релевантни
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
сензационален
несоодветен
нејасен
ФОТОГРАФИЈА
има
соодветна
манипулира
наведен автор(извор)
ГОВОР НА ОМРАЗА
потикнува на насилство
не дискриминира
УРЕДЕН ЗА ВЕБ
средно читлив
не апликативно
нема контекстуални линкови
делумно стилски уреден
неповрзан со тагови