verifikimiifakteve.mksitemap
verifikimiifakteve.mksitemap

Рецензија: Ќерката на Самсоненко и синот на вицепремиерот Пешевски играле, премиерот и министри гледале

on 16 - 12 - 2014       

Ќерката на Самсоненко и синот на вицепремиерот Пешевски-crop-resize

 

Овој текст, кој е посветен на претставата од цртаниот филм „Фрозен“, а која ја извеле ученици од приватното меѓународно училиште „Нова“, е новинарска приказна без никакви факти и аргументи, заснована на „трач-муабети“. Текстот не ја прикажува во целост вистината и е тенденциозен и политички пристрасен. Целата приказна има цел да нагласи колку биле моќни и богати поединци од актуелната политичка гарнитура и некои странски бизнисмени во земјава, истакнувајќи дека тие за своите деца, наводно, донирале огромни суми за претставата да биде раскошна. Акцентот е ставен на сумата потрошена за костимите, за што не постои конкретен доказ. За возврат на тоа, нивните деца ги добиле главните улоги. Притоа, не се користат никакви факти и извори, што било причина и училиштето „Нова“ да испрати реакција и демант на напишаното.

Ќерката на Самсоненко и синот на вицепремиерот ПешевскиНаслов на анализираниот написЌерката на Самсоненко и синот на вицепремиерот Пешевски играле, премиерот и министри гледале

Датум и време на објавување:10.12.2014, 22:35

Датум на рецензирањe: 12.15.2014

Рецензент: Ана Анастасовска

Овој текст не се темели на никакви факти, туку само на информации од анонимен извор. Точноста на овие информации не е утврдена и не постои никаква конкретна поткрепа за нив. Единствено точен е фактот дека таква претстава се одиграла во МОБ и дека ја извеле ученици од меѓународното училиште „Нова“. За тоа кој сè присуствувал на претставата, кој задоцнил, а кој дошол навреме и колку чинеле костимите, нема конкретен доказ.

„На претставата, со пристојно, но вообичаено задоцнување, присуствувал и премиерот со неговите две ќеркички иако тие не се сè уште на училишна возраст. Гости на овој настан во организација на Нова велат дека се фрапирани од очигледно скапите костими и се што било потребно за претставата од оваа елитна школа во која учеле и учат деца на сегашни и бивши функционери и бизнисмени.“

Авторот на овој текст, кој не е потпишан никаде, користи анонимен извор, кој, наводно, бил присутен на настанот, поради што го наведува читателот да се сомнева во вистинитоста на информациите изнесени во него.

Оваа вест е несеопфатна, бидејќи, за да се задоволи минималното ниво на сеопфатност, во неа требало да има и став од училиштето. Во текстот нема информации од организаторот на настанот.

Написот не ја прикажува целосно вистината и содржи лажни информации, конкретно за сумата што била потрошена за костимите, за што сведочи и реакцијата испратена од училиштето.

Во текстот се наведува дека сумата потрошена за костимите изнесувала околу 50.000 евра и сето тоа се базира на претпоставка на анонимниот извор.

„Тие претпоставуваат дека околу 50-те илјади евра кои можеби биле дадени за костимите и другите реквизити и закуп на салата се донација од богати родители на деца кои учат таму или пак на актуелни функционери.“

Текстот е политички пристрасен и има цел да нагласи дека дел од актуелните функционери и бизнисмени се расфрлаат со пари и се луксузираат за претстави на нивните деца, што не може да се утврди како точно. Авторот, во тој контекст, ги спомнува вицепремиерот Владимир Пешевски и рускиот бизнисмен Самсоненко, кој важел за близок до директорот на УБК, Сашо Мијалков. На оваа претстава, наводно, присуствувале и премиерот Никола Груевски и министерката за внатрешни работи, Гордана Јанкуловска.

„Во редот на ВИП гостите, покрај премиерот и неговите ќеркички биле бизнисменот Самсоненко седнат до нашиот тајкун Орце Камчев, вицепремиерот Пешевски, а гостинка на преставата била и првата полицајка, министерката Гордана Јанкулоска. На преставата на учениците од Нова бил и американскиот амбасадор Пол Волерс.“

И овие информации се утврдуваат како неточни бидејќи во демантот јасно стои дека Јанкуловска не била на претставата.

Насловот на текстот е информативен, но е многу нејасен. Прво, секој не мора да знае кој е Самсоненко за да се истакне неговото име. И второ, нејасно е каде и што играле неговата ќерка и синот на вицепремиерот Пешевски. Можеби играле во диско или на плоштад. Во насловот не е прецизирано дека играле во претстава организирана од училиштето што го посетуваат.

Целиот текст е една голема приказна базирана на претпоставки и кажувања од анонимен извор кој, наводно, присуствувал на настанот. Текстот е тенденциозен, несеопфатен и политички пристрасен. Можеби многу подобро би било кога би бил информативен и кога би содржел точни податоци за тоа колку пари биле потрошени за претставата и кој присуствувал на настанот. Уште подобро би било кога би се направил еден осврт или критика на претставата, а не на родителите на учесниците во неа.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

анонимни

нерелевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

лажни информации

наклонетост

политичка пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

информира

некреативен

сензационален

соодветен

нејасен

infoVistinitostФОТОГРАФИЈА

има

соодветна

информира

наведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести