Рецензија: Каролина на суд поради гласен секс – Ја пријавиле комшиите
Објавено во Рецензии
on 12 - 12 - 2014 Автор: Ана Анастасовска
Сигурно многумина што го виделе насловот на овој текст, помислиле дека ова се случило во Македонија и дека има некаква врска со поп-пејачката Каролина Гочева. Сензационалистичкиот наслов на овој текст, како и фактот што истиот е сместен во рубриката „Џет-сет“ има цел да го доведе во заблуда читателот дека се работи за некоја друга личност. Кога ќе се прочита текстот, станува јасно дека личноста именувана во насловот нема никаква врска со личноста спомената во текстот.
Наслов на анализираниот напис: Каролина на суд поради гласен секс – Ја пријавиле комшиите
Датум и време на објавување:9.12.2014, 14.18
Датум на рецензирање: 12.11.2014
Рецензент: Ана Анастасовска
Не е наведен изворот од каде е преземен текстот ниту, пак, е ставен линк до оригиналната верзија. Во текстот само се спомнува дека инцидентот се случил во Велика Британија, но не се наведува во кој град или во кое место. Ова може да отвори сомнеж кај читателот дека веста како таква, можеби, е стара и не е актуелна, а може да е и целосна измислица.
Насловот на овој текст е сензационалистички и тој можеби е креативен, но го доведува во заблуда читателот дека се работи за наша позната пејачка. Целта на авторот на овој текст, очигледно, била да се изманипулираат читателите, уште повеќе што тој е сместен во рубриката „Џет-сет“ каде стојат текстови посветени на јавни личности од домашната и од странската естрада. Текстот слободно би можел да се стави во рубриката „Забава“ или „Еротика“. Кога ќе го прочитате текстот, ќе ви стане јасно дека се работи за сосема друга личност, односно за извесна Керолајн од Велика Британија. Целта на авторот на овој текст очигледно била да собере што е можно повеќе читаност, но не и да информира за некоја суштинска и актуелна работа.
Би било подобро доколку насловот на текстот биде попрецизен, во стилот „Британка завршила на суд поради гласен секс“. Во него би требало да се наведе и изворот на информацијата, односно линк кој ја пренесува веста за тој да биде поверодостоен. Ваков, како што е пренесен, текстот отвора редица различни сомнежи.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
дезинформира
креативен
сензационален
соодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови