Рецензија: Јанкуловска признава: Има нерасветлени случаи! Побогу, навистина ли?
Објавено во Рецензии
on 15 - 01 - 2014 Автор: Gent Mehmeti
Во овој напис не се разделени личните коментари на авторот од информацијата и телото на текстот. Сите се пласирани како една хомогена целина без јасна дистинкција помеѓу фактите и субјективното. Самиот наслов отвора можност за еден таков непрофесионален начин на известување, пристапувајќи, од самиот почеток, со една доза на иронија, која понатаму е интегрирана со пласираните факти. Со ова, на еден притаен начин, на информацијата ѝ се придава еден контекстпредодреден од самиот автор и како таков ѝ се пренесува на јавноста.
Линк до оригиналниот напис: Jанкуловска признава: Има нерасветлени случаи! Побогу, навистина ли? (Преводот на веста на македонски јазик може да се прочита овде.)
Датум и време на објавување: 27.11.2013
Датум на рецензија: 29.11.2013
Рецензент: Gент Мехмети
Веродостојност: Наjголемиот дел од пласираните информации во овој напис се вистинити. Не се забележува некој сомнителен податок. Заклучоците се повикуваат на изјавите на министерката за внатрешни работи, Гордана Јанкуловска.
Извори на информации: Во текстот може да се увиди присуство на само еден извор. Тоа е изјавата на министерката Јанкуловска, на која што се заснива целиот напис. Изјавата е пренесена во целост и е извадена од контекст.
Сорджајност: Написот обработува тема која долго време беше актуелна во домашните медиуми, особено албанските. Тој само го продолжува она што е почнато во другите вести, без да се дадат останати ретроспективни информации. Некои коментари, кои не се јасно разделени од написот, придонесуваат кон неговиот квалитет, оквалификувајќи го како нејасен и тенденциозен.
Оригиналност/Плагијат: Написот е објавен во повеќето новински портали. Некои од нив имаат подолга верзија не текстот, што раѓа сомнеж дека обработениот текст е позајмен. Инаку, сите медиуми ја објавија веста во исто време. Авторот не навел дека текстот е позајмен.
Квалитет на насловот: Насловот излегува од нормите на новинарската коректност. Тој е придружен со еден јасен коментар кој се обидува на читателите да им го наметне мислењето на авторот.
Фотографија: Од сликата не може да се разбере ништо конкретно. На неа е прикажана министерката Гордана Јанкуловска, но таа многу заедничко со инцидентите што се споменуваат.
Пристрасност: Kоментарите што се присутни во насловот и во последниот параграф прават овој напис да се погледне низ лупата на сомнежот. Во последниот параграф јасно се наведува дека министерката често ги обвинила медиумите и опозицијата за конкретната ситуација со што може да се заклучи дека написот на латентен начин ја држи страната на опозицијата.
Заклучок: Коментарите и личните ставови не треба да се вклучат во информацијата. Тие треба да се навестуваат јасно, не оставајќи простор за погрешна интерпретација од јавноста. За жал, овој напис не само што не успева во таквата намера, туку упорно се обидува да ги интегрира ставовите на авторот во информацијата.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
нерелевантни
1 извор
еднострани
СЕОПФАТНОСТ
несеопфатнo
нема прикриени информации
ПРИСТРАСНОСТ
делумно прикажува вистина
не може да се утврди
не може да се утврди
Не може да се утврди
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови