verifikimiifakteve.mksitemap
verifikimiifakteve.mksitemap

Рецензија: Избегната тепачка меѓу раководството на СДСМ

on 27 - 01 - 2014       
Овој напис го има и на: Албански

Избегната тепачка меѓу раководството на СДСМ NetPress-crop-resize

Во основите на професионализмот во новинарството е начелото за проверка на информациите и консултација со сите инволвирани страни во приказната што новинарот ја работи. Минимумот што новинарот како обврска го има, за неговиот текст да биде професионален, е да се обиде да добие реакција, во случајот изјава од оние за кои тврди дека биле учесници во инцидент или вербална расправија. На таков начин, приказната би станала веродостојна, а читателот би добил впечаток дека новинарот се обидел да ја провери информацијата и да дојде до потврда за правилно да информира. Во текстот што го рецензираме воопшто не е евидентно дека новинарот направил обид да ги контактира оние за кои тврди дека биле инволвирани во расправија.

Избегната тепачка меѓу раководството на СДСМ NetPressЛинк до оригиналниот напис: Избегната тепачка меѓу раководството на СДСМ

Датум и време на објавување: 18.01.2014, 11:52

Датум на рецензирање: 24.01.2014

Рецензент: Мирослава Бурнс

Вистинитост: Големиот број непрецизни објаснувања оставаат простор за сомнеж во вистинитоста. На пример, фразата „се пеглале повеќе теми кои како недоразбирање постоеле подолг период во јадрото на партијата“ не кажува ништо во поглед на фактите, исто како и „на состанокот се разговарало за стратегијата според која СДСМ како опозиција треба да делува“.

Ако му се верува на медиумот дека бриферот е од СДСМ, тогаш не е јасно зошто тој извор не би ги прецизирал темите на кои се дискутирало, а за сметка на тоа би изнесувал „компромитирачки“ информации за наводна расправија. Новинарот може да го избегне овој сомнеж за постоењето на изворот ако побарал официјален став од партијата за инцидентот за кој пишува.

Ситуацијата колуминирала кога започнала вербална расправија помеѓу Јани Макрадули и пратеникот Марјанчо Николов, која според очевидците за малку ќе завршела со физичка пресметка која била избегната со асистенција на присутните на состанокот.

Бидејќи авторот ги споменува имињата на наводно инволвираните, логично би требало да ги праша за ситуацијата и за причината за расправијата. Тоа не е сторено.

Оттаму и на читателот останува да верува или не во напишаното. Дополнителен аргумент во неговиот суд ќе биде и тоа што не се открива темата за која авторот тврди дека имало несогласување.

Извори на информации: Изворот е анонимен и непрецизен, а новинарот не направил напор да ги праша оние за кои пишува дали настанот навистина се случил.

Содржајност: Содржински текстот е сиромашен и заради недоволната аргументација и недоволната релевантност на изворот. Од напишанотот не може да се утврди за што, наводно, се расправале Макрадули и Николов и како авторот знае дека „за малку ќе завршело со физичка пресметка“. Зошто читателот би требало да ѝ верува на оваа објавена информација?

Пристрасност: Авторот остава впечаток дека е политички пристрасен поради тоа што не ги консултира оние за кои тврди дека учествувале во инцидент. Без тоа, текстот може да се доживее и како „псевдо-настан“. Основниот впечаток што треба да се добие по читањето на текстот е дека раководството на СДСМ е насилно. Сепак, содржински, текстот не оди дотаму да тврди дека имало и физичка пресметка, поради што е неможно да се потврди информацијата од официјални извори како МВР на пример.

Коментирање: Новинарот се обидел да влезе во чувствата и душевните емоции на раководството на СДСМ, посочувајќи дека „меѓу некои членови на СДСМ подолг период се акумулирало меѓусебно незадоволство, гнев и омраза“. Конструкцијата „според информациите“ и „според очевидците“ се нестабилни и оставаат простор за сомнеж во вистинитоста:

Инаку според информациите, не е прв пат да има вакви агресивни и нервозни реакции на првенците на СДСМ и според очевидците подолг период се акумилирало меѓусебнмо незадоволство, гнев и омраза помеѓу некои членови од раководството на СДСМ.

Оригиналност/Плагијат: Станува збор за медиумски производ изворно создаден во редакцијата. Тоа може да се заклучи и од самиот текст каде авторот посочува дека анонимни извори го брифирале порталот на кој е објавен текстот.

Квалитет на насловот: Избегната тепачка меѓу раководството на СДСМ“. Насловот е привлечен и предизвикува љубопитство, но текстот не го оправдува поради неверодостојниот извор. Се користат силни зборови.

Заклучок: Текстот е оскуден со факти и нема конкретен извор, ниту контактирање на инволвираните страни, нема доволно податоци и детали. И насловот и текстот оставаат впечаток како да имаат за цел да се стават во функција да го претстават раководството на СДСМ како агресивно, но без аргументација и конкретен доказ за настан што верно ќе посведочи за тоа.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

не може да се утврди точноста на наводите

неверодостојни наводи

infoVistinitostИЗВОРИ НА ИНФОРМАЦИИ

има евидентирани извори

аноними

не може да се утврди

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

не може да се утврди

извртување на вистина (спин)

не може да се утврди

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

не може да се утврди

сензационален

не може да се утврди

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

стилски уреден

поврзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести