Рецензија: Хрватска преплашена: жена стопира возачи пред тунел, влегува во нивниот автомобил, а потоа мистериозно исчезнува!
Објавено во Рецензии
on 24 - 12 - 2013 Автор: Југослава Дуковска
Текстот обработува тема за наводна мистерија во Хрватска, каде постојат приказни дека непозната убава девојка, која најверојатно била дух (!), автостопирала на Јадранската магистрала и на возачите, кои ќе ја качеле во колата, им ја претскажувала иднината, а потоа мистериозно исчезнувала од возилата! Иако е објавен уште пред повеќе од еден месец, овој текст сѐ уште се чита и споделува на социјалните мрежи. Претставува типичен пример на написи со кои во последно време се полнат рубриките ЗАНИМЛИВОСТИ, БИЗАРНИ ВЕСТИ, ПАРАНОРМАЛНО по домашните портали, иако е поместен во рубриката ЖИВОТ, која, вообичаено би требало да донесува посериозни и поиздржани теми. Според начинот на кој ја обработува, поточно – ја преработува темата од хрватски медиуми – без критичка дистанца, без наведени извори, без ограда, со бомбастичен наслов и со многу ефтин сензационализам, написот е и пример за непрофесионален пристап и промоција на кич и невкус кај својата читателска публика.
Линк до оригиналниот напис: Хрватска преплашена: жена стопира возачи пред тунел, влегува во нивниот автомобил, а потоа исчезнува!
Датум и време на објавување: 3.11.2013, 11:05
Датум на рецензирање: 20.12.2013
Рецензент: Југослава Дуковска
Вистинитост: Пишувајќи за наводната автостоперка-дух, авторот се повикува на изјави на сведоци, како и на информации од хрватската полиција, како да ги добил директно од нив, но всушност само непрофесионално го цитира она што хрватските медиуми го истражиле во врска со темата.
Содржајност: Во текстот се користени фрагменти од приказната за „црната убавица од Учка“, автостоперката која исчезнува, од хрватски медиуми, но тоа не е наведено.
Оригиналност/Плагијат: Некоректно се пренесени делови од темата за автостоперката-дух, кој ја објави хрватскиот портал 24sata.hr , а потоа ја пренесоа и други медиуми во Босна и во Србија, без да биде наведен изворот, па поради тоа постојат елементи на плагијат. Како автор е наведено само лично име: „Напишано од Сандра“, што не е ниту приближно професионално наведување на авторот, но, што е уште поважно, потпишаната личност е автор на „преработката“ на туѓ текст.
Квалитет на насловот: Насловот содржи лажно и пресилно тврдење – дека цела Хрватска била преплашена од духот на жената во црно кај тунелот на Учка. Освен тоа, непотребно е долг.
Заклучок: Уште еден во низата текстови наменети исклучиво за забава на читателите, во кој ефтиниот сензационализам е единствената содржина на објавениот материјал. Згора на тоа, не е почитуван новинарскиот стандард – во пренесените, па дури и преработените теми од други медиуми, изворот да биде исправно наведен.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
не може да се утврди
СЕОПФАТНОСТ
прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
Не може да се утврди
КОМЕНТИРАЊЕ
нема коментаторски елементи
ПЛАГИЈАТ
делумна копија
ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
неквалитетни мултимедијални елементи
нема контекстуални линкови
стилски неуреден
неповрзан со тагови