verifikimiifakteve.mksitemap
verifikimiifakteve.mksitemap

Сервис за проверка на факти од медиумите

Проект на УСАИД за зајакнување на медиумите во Македонија
USAID Logo

Рецензија: Хрватска најзадолжена земја во регионот

on 4 - 09 - 2014       
Овој напис го има и на: Албански

SlobodnaBosna_Dolg-crop-resize

Сервисот за проверка на факти во медиумите (СПФМ) во своите рецензии по правило не прави споредби меѓу различни вести и не анализира групи на вести. Ваквите споредби и следења на појави и трендови во вестите и новинарската професија пошироко се прави во рубриката Анализи. Но, овде мораме да се оддалечиме од ова методолошко правило и да потенцираме дека се работи за наменска вест, објавена со цел да потисне една друга, далеку поважна вест и истовремено да ја стави на втор план.

Настрана фактот, пак, што овде се соочуваме со добро познатата појава на собирање „баби и жаби“ и тоа и во оригиналната вест на Слободна Босна и во оваа која ја рецензираме овде.

SlobodnaBosna_DolgЛинк до оригиналниот напис: Хрватска најзадолжена земја во регионот

Датум и време на објавување:31.08.2014, 14.14

Датум на рецензирање:04.09.2014

Рецензент: Владимир Петрески

 

СОДРЖИНАТА СЕ СООЧУВА СО ПРОБЛЕМОТ НА „БАБИТЕ И ЖАБИТЕ“

Најпрвин за содржината. Со вакви информации, каде што се споредуваат номиналните износи на јавниот долг на земјите од регионот, сме се сретнале и досега. И овој пат се среќаваме со несоодветни споредби каде што во номинални износи се споредува јавен долг на една со друга земја, при што едната има повеќекратно поголем број жители до другата или едната е неколкукратно побогата од другата. Имајќи го предвид ова, номинални износи на јавен долг не се споредуваат, туку тоа се прави како процент од бруто домашниот производ (БДП) за да се добие објективна компарација. Ова во неколку наврати го имаат потенцирано и министерот за финансии Зоран Ставрески и премиерот Никола Груевски во своите јавни настапи, пред сѐ, кога од нив се бара да дадат став во однос на номиналниот раст на долгот на земјава, со оглед на фактот што тој за седум-осум години бележи раст од 1,4 милијарди евра на 3,3 милијарди евра.

И воопшто не е важно дали веста е преземена од друг медиум. Како што сме напишале повеќепати досега, тоа не може да биде оправдување содржината да не се провери преку релевантни извори. А, такви извори во денешно време ги има на претек. Таков еден е дури и американската шпионска агенција ЦИА, потоа има и комерцијални организации што публикуваат вакви податоци, а тешко дека ќе се најде порелевантна институција од Светската Банка за ова прашање, при што податоците што ги презентира Банката се објавени токму како процент од БДП, односно на истиот оној начин на кој инсистираат Ставрески и Груевски. За една национална информативна агенција со значителни ресурси, изнаоѓањето на овие извори и изработката на соодветни споредби не би требало да претставува проблем.

 

НАМЕНСКА ВЕСТ

Но, овде не била главната цел да се дојде до компаративна информација која ќе има смисла. Целта била веста да се изработи што побрзо за да ѝ се парира на друга вест, односно на друга низа од вести. Имено, истиот ден кога беше објавена оваа вест и преземена од редица портали, Министерството за финансии ја објави и состојбата со долгот на Република Македонија по најновото задолжување со еврообврзницата од 500 милиони евра, при што долгот на централната влада за достигна ниво од 40,8 отсто од БДП, процент кој не сме го виделе цели 12 години.

Тоа најдобро се гледа на агрегаторите за вести, на пример, овде, каде што рецензиранава вест е далеку повеќе преземена, со оглед на тоа што станува збор за агенциска вест, која треба само да се преземе, додека веста за состојбата со македонскиот јавен долг, сепак, требаше да се изработи во целост.

Сосема друго прашање е зошто една национална агенција во денот кога се објавува нивото на јавниот долг во матичната земја, не би известила за ова и тоа во ситуација кога тој доживува значителен раст заради ново, поголемо еднократно задолжување, а пренесува вест од странски медиум , чија информативна вредност е во најмала рака неупотреблива. Но, одговорот на таквото прашање е за во друга прилика.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални

нерелевантни

1 извор

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

нема лажни информации

наклонетост

политичка пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

целосна копија

ненаведен автор, наведен извор без линк

infoVistinitostКВАЛИТЕТ НА НАСЛОВОТ

не информира

некреативен

несензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за најнови вести