Рецензија: ХРВ: „Златна зора“ одработува за Русија, сака да го спречи проширувањето на НАТО (ДПЛ)
Објавено во Рецензии
on 9 - 09 - 2014 Автор: Зоран Бојаровски
Ова не може и не треба да помине. Агенцијата што себе си се смета за државна новинска агенција, не смее да си дозволи вакво нешто – да го погреши името на организацијата чиј документ им послужил за вест.
Тоа е само една, но тешка материјална грешка.
Линк до оригиналниот напис: ХРВ: „Златна зора“ одработува за Русија, сака да го спречи проширувањето на НАТО (ДПЛ)
Датум и време на објавување: 18.08.2014, 13.44
Датум на рецензирање: 05.09.2014
Рецензент: Зоран Бојаровски
Државната новинска агенција напишала вест, а потоа десетина медиуми ја пренесоа, а со тоа и материјалната грешка дека извештајот „Ние не сме нацисти, но… Подемот на партиите на омраза во Унгарија и Грција и зошто Америка треба да биде загрижена“ го направила организацијата Хјуман Рајтс Воч (Human Rights Watch), а тој, вусшност е направен од друга слична организација, односно Хјуман Рајтс Фрст (Human Rights First)
Апсолутно е нејасно како е можна ваква грешка?!? Како прво, до извештајот се пристигнува преку веб-страницата на организацијата на која прво што ви паѓа в очи е името и логото на двете организации кои се сосема различни дизајнерски.
Дури и да го добиле ПДФ форматот од извештајот, електронски или во печатено издание, повторно „мава“ во очи логото и името на Хјуман Рајтс Фрст, па дури потоа сѐ друго?!?
Информацијата е еднаш објавена како куса вест на 18.08.2014 во 11:15, а потоа, два часа подоцна и како проширен, дополнет и надграден ивештај.
Значи, два пати е користен изворниот материјал и два пати е направена истата грешка која потоа се мултиплицираше, бидејќи се работи за aгeнциска вест која е очекувано да ја преземат повеќе други медиуми. Особено кога е негативна вест на нашиот јужен сосед.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
прикриени информации
ПРИСТРАСНОСТ
делумно прикажува вистина
нема извртување на вистина (спин)
лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
јасен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
неповрзан со тагови