Рецензија: Хит на фејсбук: Новата фонтана во скопско Влае
Објавено во Рецензии
on 26 - 09 - 2014 Автор: Александар ПисаревФоторепортерите секогаш се обидуваат да да „уловат“ моменти кои се визуелно привлечни за читателите. Рецензираме една таква фото вест, на чија фотографија се гледа вол во градска фонтана и тројца мажи како се обидуваат да го извлечат од водата. Навистина интересна фото-вест. Па, зошто тогаш ѝ даваме негативна рецензија.
Линк до оригиналниот напис: Хит на фејсбук: Новата фонтана во скопско Влае
Датум и време на објавување: 24.09.2014 15:41
Датум на рецензирање: 25.09.2014
Рецензент: Александар Писарев
ФОТОГРАФИЈА МОРА ДА БИДЕ ТОЧНА
Иасто како и секоја вест, или информација, и фотографијата или фотовеста мора да ја прикажува и долови вистината. Луѓето сакаат фотографии, ги паметат, тие им се разбирливи, тие се „една слика-илјада зборови“. Затоа, фотографијата мора да биде точна. Таа воедно претставува сведоштво и документ за настанот.
Дали тоа што го гледаме на сликата е вистина или во време на модерна компјутерска технологија и фотошоп може некој намерно сакал да го смести волот во фонтаната? Но, проблемот е во тоа што оваа фонтана не е во скопската населба Влае, како што е најавено во насловот „Хит на фејсбук: Новата фонтана во скопско Влае“.
Тие што поминале по Булеварот Партизански одреди кон Ѓорче Петров или во обратна насока веднаш ќе забележат дека веста не е вистинита. Фонтаната не е во Влае. Дури ни амбиентот воопшто не е од Скопје.
ФОТОГРАФИЈАТА Е НЕОДВОИВ ДЕЛ НА НОВИНАРСТВОТО
Фотожурнализам, или фотографијата како вест или информација, се неодвоив дел на новинарството.
Фотографијата е поглед на одредена ситуација низ окото (објективот) на фоторепортерот. Но, за да биде до крај содржајна, таа мора да ги има елементите како и во било која вест. Фотографијата мора да има јасна легенда, која ќе биде содржајна, за читателот да го перцепира целиот настан.
И под услов да е фонтана во Влае, што не е, требало да се објасни како дошло до ова ситуација волот да се најде среде фонтана.
Ваков каков што е, овој производ не заслужува дополнителен коментар.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
прикриени информации
ПРИСТРАСНОСТ
не
извртување на вистина (спин)
лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
преземено од Фејсбук
ненаведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови