Рецензија: Груевски со нов закон: По 1 денар од секоја кутија цигари ќе оди за лекување ретки болести
Објавено во Рецензии
on 17 - 12 - 2014 Автор: Владимир Мирчески
Елементарно непознавање на уставниот поредок на земјата, наслов–реклама за споменатиот политичар, пристрасен пристап, повеќе маркетинг на одредени политики отколку новинарски текст. Ете, тоа го имаме во овој случај.
Линк до оригиналниот напис: Груевски со нов закон: По 1 денар од секоја кутија цигари ќе оди за лекување ретки болести
Датум и време на објавување: 15.12.2014, 14:54
Датум на рецензирање: 16.12.2014
Рецензент: Владимир Мирчески
„УДАРНИЧКИ“ НАСЛОВ ЗА АВТОПРОМОВИРАЧКО ЧЕТИВО
Новинарството треба да им робува на фактите и на аргументите и притоа, секако, од вид никогаш да не ја загуби прецизноста. Тој што го пишувал написот, воден од не знам какви мотиви, или не знаел или се правел дека не знае кои се овластувањата на Владата и на нејзиниот претседател. Како тоа се вели „Груевски со нов закон“ кога Уставот на Република Македонија јасно и недвосмислено ги наведува обврските и ингеренциите на Владата:
Владата на Република Македонија:
– ја утврдува политиката на извршувањето на законите и другите прописи на Собранието и е одговорна за нивното извршување;
– предлага закони, републички буџет и други прописи што ги донесува Собранието;
Значи, јасно се гледа дека Владата предлага закони, а не носи закони како што тенденциозно се порачува во насловот. Оттука, прецизноста налага да се каже дека ќе се оди со предлог-закон кој потоа, секако ако помине во Собрание, кое е законодавен дом, ќе стане закон. Овој материјал пластично ни ја опишува извитоперената ситуација во домашниот политички систем, во кој Собранието зависи од Владата, а не обратно како и што нормира Уставот. Поточно, вкупниот впечаток е како само да се воспева ваквиот потег на премиерот. Тоа се темели на неколку елементи: прво, најголем дел од написот е само изјавата на Груевски од неговиот фејсбук-профил. Ако народот сака да го знае само тоа што сака да каже првиот човек на македонската влада, тогаш едноставно ќе го посетат неговиот профил, исто како и тој што го „склопил“ овој текст. Но, тоа така не оди. Второ, за еден текст да го добие многу важниот предзнак „новинарски“, потребни се и низа други сегменти: јасни споредби со земјите од ЕУ или од регионот за оваа проблематика, податоци за продадени цигари во земјава, бројка на пушачи, дали измените, можеби, би повлекле и зголемување на цената на цигарите и, што е можеби најважно, големината на категоријата граѓани што боледуваат од ретки болести и за кои би бил наменет тој фонд. Само преку сите овие елементи, заедно со настапот на премиерот, на публиката ќе ѝ се даде вистински и целосен увид во проблематиката, како и во значењето и во целисходноста на одлуката да се повлече ваков чекор.
Тоа во ова четиво го немаме. Но, затоа имаме рекламирање на еден политичар преку информативен портал и тоа дополнето со „екстраекслузивен“ наслов кој, сакал некој да признае или не, ептен прозвучува „ударнички“, исто како и содржината на материјалот која не успева во целост да одговори на членот 14 од Кодекот на новинарите:
Новинарот мора да обезбеди професионална дистанца од политичките субјекти.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови