Вознемирувачка и застрашувачка порака, вознемирувачка и застрашувачка фотографија и сето тоа без контекст
Објавено во Рецензии
on 6 - 05 - 2015 Автор: Александар Писарев
[Рецензија: Груевски: На секое нарушување на мирот, ќе биде жестоко одговорено и возвратено]
Ако под ваков наслов: „На секое нарушување на мирот, ќе биде жестоко одговорено и возвратено“ медиумот стави слика со колона борбени возила во формација со спремни митралези, и тоа го објави во пресрет на најавените демонстрации против Владата на 17 мај, граѓаните нема да останат рамнодушни без оглед на која политичка опција припаѓаат.
Линк до оригиналниот напис: Груевски: На секое нарушување на мирот, ќе биде жестоко одговорено и возвратено
Датум и време на објавување: 02.05.2015 16:42
Датум на рецензирање: 03.05.2015
Рецензент: Александар Писарев
КРАТКО И НЕЈАСНО
Станува збор за краток, но содржински нејасен текст во кој е пренесен говор на политичар. Не знаеме дали се работи само за сегменти на говорот кои се извадени од контекст или и самиот говорник бил нејасен, но пораката е вознемирувачка и застрашувачка, особено со несреќно избрана фотографија со која е илустриран текстот.
Од напишаното тешко може да се протолкува кон кого е упатена оваа закана на премиерот, дали кон другата по големина етничка група во Македонија, надворешниот непријател или опозицијата, бидејќи конфузно се спомнуваат сите.
„Тој потсети дека имавме неколку ситуации кои ја зголемија загриженоста кај граѓаните, но полицијата и институциите одлично се справија со нив.“
КОИ СЕ ТОА „НИЕ И НАШИ“
Полицијата, според Уставот и Законот за полиција, се справува со оние кои го нарушуваат јавниот ред и мир, па спомнување на нејзините успеси во неколку такви ситуациии асоцира на подготовка за пресметка со демонстрантите.
Контекстот е нејасен. Пораката е упатена од конгресна говорница и не е јасно дали „ние“ и „нашите“ се однесува на партијата и партиското членство, бидејќи „различните мислења“ се однесуваат на внатрешните проблеми, или говорникот мислел на генералната мирољубива политика за која се залага државата и сите ние. Новинарот требало да ја објасни пораката на говорникот.
„Ние нашите проблеми и различни мислења во земјата ги решаваме низ дијалог и толеранција… Неодмна имавме една нова таква ситуација, која повторно нашите политички конкуренти се обидоа да ја стават во дневна политика. Сепак, ако некој одлучи, од било која причина да нѐ загрози и да го наруши мирот на граѓаните, ќе биде жестоко одговорено и возвратено.“
ЕТИЧКА ОДГОВОРНОСТ
Кога политичарот со својот говор или изјава може да ја вознемири јавноста, должност на новинарот е тој дел од говорот да го контекстуализира, да го прераскаже и да објасни дека тоа го направил поради вознемирувачка содржина. Поради директно пренесување на таков говор или пораките на политичар, новинарите навистина не можат да трпат некакви правни консеквенци, но имаат етичка одговорност (Како да се пренесат зборовите на политичар).
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
несоодветен
нејасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
потикнува на насилство
не дискриминира
УРЕДЕН ЗА ВЕБ
нечитлив
квалитетни мултимедијални елементи
нема контекстуални линкови
делумно стилски уреден
неповрзан со тагови