Рецензија: Грција му молчи на „Њујорк Тајмс“ за „Македонецот“
Објавено во Рецензии
on 18 - 01 - 2015 Автор: Владо Ѓорчев
Многу често се среќаваме со вести за кои не сме свесни зошто се појавиле и што сака да се постигне со нив. Ова е текст со намерно подбивање. Тој е напишан без притоа да се внимава на одговорноста и како да е излезен од вицот – „Те молам, не брани ме бато“. Новинарството не е тоа кое треба да соли памет и да се подбива. Тоа е тука да информира и да пренесува, а зошто текстов се закачил за Грција на ваков начин е прашање на кое тешко може да се даде издржан одговор.
Линк до оригиналниот напис: Грција му молчи на „Њујорк Тајмс“ за „Македонецот“
Датум и време на објавување: 14.01.2015, 17:52
Датум на рецензирање: 15.01.2014
Рецензент: Владо Ѓорчев
СВЕСНО ПОДБИВАЊЕ
„Особено интересен е молкот ако се присетиме дека за Грците употребата на името Македонија или Македонец или самата придавка македонски, изедначени со името на нашата држава и националност, на најголемиот народ што живее во РМ, без разлика на контекстот во кој се користи, секогаш било недозволиво и проследено во најмала рака со критики од страна на грчките медиуми. Едно од објаснувањата за ова би било дека грчките власти или нивната дијаспора не сакаат да излезат смешни во очите на влијателните светски медиуми и решиле ова да го премолчат.“
Текстот во поголем дел е коментар. Зачудува она за што текстот се прашува. Притоа, несновано тврди дека Грција секогаш реагира кога ќе се спомене името Македонија. На официјални настани, да, тоа можеби било така, но оваа теза, кога станува збор за весници (и тоа особено весници кои се издаваат во држава која нѐ има признато под уставното име) е недокажлива. Или, ако се сакало да се потврди вистинитоста, требало да се спомнат ситуации каде што такво нешто се случило.
Во вториот дел од текстот, написот прашува дали поради тоа што е во прашање САД, Грција нема да одговара. Кажано е многупати, но, еве, да повториме: практиката во новинарството е прво да информира, а потоа да поставуваат прашања. Во текстот, пак, е направен обратен редослед, па главната приказна е објаснета на крајот.
Ова е текст кој е целиот испревртен. Почнува со коментар, а веста е на крајот. Многу нестандардно кога се работи за новинарска содржина. Секако дека новинарот треба да информира, потоа да прашува, а уште помалку (или речиси никогаш) да прашува со подбивање. Новинарот не треба да се подбива без разлика дали нешто не му се допаѓа или нешто не му е по ќеф. Тој треба стоички да ја издржи „приватната нетрпеливост“ и докрај професионално да си ја заврши работата.
И, секако, целата приказна мора да има смисла. Не смее да се искористува моќта на медиумот поради некаква цел, која овде не е ни сосема јасна. Новинарот можеби е носител на влијание кое му овозможува да комуницира со широка публика, ама тој мора да биде и одговорен.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор, наведен извор без линк
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови