Рецензија: Грчева и Топузова распнати – ова ли е демократијата на СДСМ?
Објавено во Рецензии
on 25 - 06 - 2014 Автор: Владо ЃорчевОва е текст кој не може да се идентификува со ниту еден новинарски жанр. Ако требало да претставува информација, тоа не е. Не ги запазува ниту занаетските правила, а настрана етичките, моралните, па ако сакате и јазичните. Не е ниту колумна – не е потпишан од никого, а нема ниту други елементи. Иако колумната може да содржи и сатира, сепак, тука за тоа не може да стане збор. Или се сакало, само безуспешен бил обидот. Можеби од колумнистичкиот елемент е запазена само периодичноста. Вакви текстови се појавуваат одвреме навреме, и никој не знае зошто, кога, како и од каде.
Линк до оригиналниот напис: Грчева и Топузова распнати- ова ли е демократијата на СДСМ?
Датум и време на објавување: 24.06.2014, 10:51
Датум на рецензирање: 24.06.2014
Рецензент: Владо Ѓорчев
БЕЗ КОНКРЕТНИ ИЗВОРИ
Нема вистина во ништо. Точно е дека имаше напади врз пратеничките, но од никаде не може да се извлече заклучок дека тоа се „оркестрирани напади од СДСМ и нејзините портали“. Не секој што ќе зборува на Фејсбук е социјалдемократ, ниту, пак, не секој социјалдемократ има Фејсбук профил.
Изворот на информација, барем според текстот, се социјалдемократите и нивните медиуми. Притоа, нема кои се тие конкретно и како изгледало тоа напаѓање.
Текстот од ракав вади тези, а речениците се дури и контрадикторни една со друга. Тука, всушност, се работи за една до две реченици – исто толку и тези (?!), кои потоа се преформулираат во секоја реченица за на крај да се заклучи: Ете, видовте дека СДСМ е недемократска партија!
Текстот дури оди дотаму што се „загрижува“ за роднините на пратеничките, оти, наводно, сега ќе било тешко нив:
Она што е најстрашно е што овие политичарки почнаа да се соочуваат со закани од оние кои му го штитат грбот на Зоран Заев. Вперениот прст кон нив и недоличните напади, ги уплашија и нивните семејства. Сега тие се загрижени и уплашени за следните потези насочени кон Грчева и Топузова Каревска.
Можеле барем да се јават кај тие „загрижени“ роднини и да ги прашаат, а за волја на вистината, ниту пратеничките досега изјавиле дека им е загрозена безбедноста ним лично и на нивните семејства.
ЦЕЛ ТЕКСТ Е КОМЕНТАР
Пристасноста е политичка и тоа се гледа од авион.
Целиот текст е коментирање. Но, тој е ставен во рубрика Македонија. Не се ни потрудило да се остави впечаток на нешто друго, па да се ставел во некоја рубрика коментари или колумни.
Најверојатно овој текст е оргинален, затоа што до завршувањето на рецензијата, сличен, или ист ваков текст немаше во другите медиуми.
Насловот е приказна за чудење. Две констатации сместени во неколку збора навистина е за чудење. Притоа, ниту една не е вистинита затоа што е недокажлива. Нема зошто е недемократска една партија и зошто и дали навистина се распнати пратеничките.
Фотографијата е ставена колку за илустрација.
Ова е текст, кој, всушност, треба да даде или да создаде поинакво мислење за членови на една партија. Ниту се грижи за пратеничките, ниту за безбедноста на нивните семејства. Но, тоа невешто е искористено во текстот. Поради тоа што невешто е искористено и целиот текст на крајот е невешт или неумесен.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
нема
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови