Успешна бегалска фоторепортажа
Објавено во Рецензии
on 20 - 06 - 2015 Автор: Љубомир Костовски
[Рецензија: Голгота: мајка со шестмесечно бебе трага по подобар живот]
Нема сомнеж дека по изјавата на премиерот Груевски за бегалците („половината од тоа што е напишано да е точно…“) како да беше дадено зелено светло поголем дел од медиумите што ги крстиме „провладини“, да го сменат ставот кон овие страдалници. Наеднаш тие не беа само проблем за земјава, туку несреќници кои бараат спас. Ова, секако, не значеше веднаш дека е подигнат битно квалитетот на прилозите во медиумите во однос на оваа појава и на овие луѓе. Но, во сета таа „конфекциска“ поплава од текстови и од фотографии, секако веќе се дефинира некаков квалитет и тој треба да се посочи.
Линк до оригиналниот напис: Голгота: мајка со шестмесечно бебе трага по подобар живот
Датум на објавување: 18.06.2015, 09:27
Датум на рецензирање: 18.06.2015
Рецензент: Љубомир Костовски
„Детска насмевка ни ги стопи срцата а во исто време ни создаде и грутка во градите. Мора да е маката голема штом мајката со шестмесечно бебе се одлучила да тргне на пат долг илјадници кипометри на кои демнат безброј опасности … Мајката се обидуваше да го преслече бебето, но немаше друга облека или сакаше да ја сочува за подоцна, па само го поднамести да му биде поудобно.“
Прилогот влегува зад вообичаената површност и дава доста податоци за едно семејство во кое, покрај таткото и шесте деца, посебна приказна е молчаливата мајка, која очигледно пати најмногу од сите и, според обичаите, мора да молчи и да трпи. Нејзините обиди да излезе на крај со бебешките потреби и фактот дека најверојатно по пат го родила бебето и го минала периодот на леунството некаде таму, назад, на Блискиот Исток, е особено шокантно сознание.
Во прилозите на поголем дел од медиумите доминира една потисната, ама присутна сегрегација на „ние“ (принудени да ги трпиме дојденците) и „тие“ (кои ќе си заминат, да ги истрпиме). Дури, кај многу колеги фоторепортери, особено тие со име, се забележува една просто „шизичка филозофија“ на полесен влез во европските магазини преку нереалистички прилози, како што се, на пример, сликите од автопатите каде велосипедистите наликуваат на спокојни семејни излетници, кои се насмевнуваат при зајдисонцето (!) или на некакви тркачи од „Тур д Франс“, како да се работи за спортски манекени.
Секако дека текстот што е пред нас го нема оној „Достоевски“ што го бара ситуацијата, ама е далеку поискрен и е – непосреден, како што авторот е доследен да дознае податоци за некој кој не знае англиски, па се барале преведувачи меѓу Авганистанците. Тука е очигледно изгубено доста време, ама фоторепортерот бил упорен. Сигурно дека и фотографиите не се правени да се допаднат – туку да доловат една ситуација, што денес сè уште е реткост.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
Не e релевантен бројот на изворите
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
креативен
сензационален
соодветен
јасен
ФОТОГРАФИЈА
Се работи за фоторепортажа
соодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
има контекстуални линкови
стилски уреден
поврзан со тагови