Рецензија: ФОТО: Среде Скопје му го искршија автомобилот на Тони Зен
Објавено во Рецензии
on 2 - 10 - 2014 Автор: Оливера ВојновскаНасловот: „Среде Скопје му го искршија автомобилот на Тони Зен“, прозвучува како некој намерно да му го уништил возилото на познатиот македонски рапер. А, всушност, во прашање е сообраќајна незгода. Така што, читателот на чиј предлог ја правиме оваа рецензија со право забележува:
„Насловот манипулира дека Тони Зен бил жртва на намерен хулигански напад, а не на обична сообраќајка“.
Линк до оригиналниот напис: ФОТО: Среде Скопје му го искршија автомобилот на Тони Зен
Датум и време на објавување: 29.09.2014, 11:06
Датум на рецензирање: 2.10.2014
Рецензент: Оливера Војновска
НАСЛОВОТ – УТКА
Станува збор за фото-вест, преземена од друг медиум и тоа е наведено, но не е посочен линкот. Сепак, според конструкцијата на речениците таа повеќе наликува дека е позајмена од трет медиум, каде половина час порано е објавен сосема идентичен материјал.
Оваа куса вест има само четири реда и податоците во неа се точно пренесени.
„Сношти раперот Тони Зен имал сообраќајка во центарот на Скопје.
Несреќата се случила кога возач со својот автомобил удрил во неговиот. За среќа ниту Тони Зен ниту неговите сопатници не биле повредени, а полицијата извршила увид во местото на несреќата.
Веста ја пренесе порталот Центарњуз. “
Меѓутоа, како што кажавме, проблематичен е насловот. Уште кога ќе се прочита првата реченица од текстот, се заклучува дека насловот:
„Среде Скопје му го искршија автомобилот на Тони Зен“
е промашен.
Тој е збунувачки, манипулира со читателската публика и ја наведува на погрешно мислење. Дури шокира. Алудира на тоа дека се случил некаков голем инцидент во кој било искршено возилото на Тони Зен. За потоа од веста читателите да разберат дека имало сообраќајка во која учествувал раперот.
Но, несомнено, ваквиот избор на насловната конструкција е направен намерно со цел да предизвика што повеќе кликови. Сепак, гледано од новинарски аспект насловот претставува целосно промашување. Тој се коси со професионалните стандарди кои налагаат објективното и етички исправно новинарство да биде ослободено од сензационализам.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
неофицијални
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови