Рецензија: Екстрадиција: Испорачан партнерот на мадам Пепи
Објавено во Рецензии
on 24 - 10 - 2014 Автор: Мирослава СимоновскаСтанува збор за вообичаена информација за екстрадиција на осудено лице, но невнимателно се открива целосното име и презиме на осудениот, кој, во исто време, е и осомничен. Авторот се двоумел дали да го пренесе идентитетот на осудениот или, пак, да го сочува. Имено, на почетокот на веста, се известува дека е екстрадиран Војислав Б., кој во вториот параграф е откриен со целосното име и презиме, Војислав Будисављевиќ.
Линк до оригиналниот напис: Екстрадиција: Испорачан партнерот на мадам Пепи
Датум и време на објавување: 02.10.2014 11:06
Датум на рецензирање: 18.10.2014
Рецензент: Мирослава Бурнс
Како што е наведено во текстот што го рецензираме, лицето во моментот е осомничено за шверц на кокаин, а во првиот пасус се наведува дека „Мадам Пепи и нејзиниот партнер кој беше во бегство беа познати по шверц на брендирана гардероба и кокаин“. Според информациите во текстот, лицето во моментот е само осудено за фалсификување на личен документ и со потерница се барало за да одржи затворска казна од три и пол години за тоа дело. Изворот на информацијата не е наведен, но, најверојатно, се работи за билтенот на МВР.
Министерството за внатрешни работи во информацијата за екстрадицијата што ја објави на својата веб-страница, никаде не го наведува презимето на лицето за кое известува медиумот, а во неговиот видеоматеријал, го замаглува лицето на осудениот. Оттука, во медиумскиот производ, од нејасни причини, се применува системот „информирање чекор по чекор“. Ова не е прекршок, меѓутоа отсликува невнимателност и се поставува прашањето дали се прекршува пресумпцијата на невиност за делото за кое уште не е осудено лицето?
Медиумот, во согласност со новинарските стандарди, одлучува како ќе ги презентира информациите за лица кои се осудени и екстрадирани. Малата невнимателност околу штитењето, па откривањето на идентитетот на оној за кој се пишува, го привлекува вниманието од аспект на држење конзистентен приод при информирањето и при атрибуирањето.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
нема евидентирани извори
1 извор
еднострани
СЕОПФАТНОСТ
несеопфатнo
ПРИСТРАСНОСТ
не може да се утврди
нема извртување на вистина (спин)
не може да се утврди
не аплиактивно
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
дискриминира
УРЕДЕН ЗА ВЕБ
читлив
квалитетни мултимедијални елементи
има контекстуални линкови
стилски уреден
поврзан со тагови