Некои на дијазепам, некои кај баба Рада
Објавено во Рецензии
on 7 - 09 - 2015 Автор: Љубомир Костовски
[Рецензија: Плусинфо: Дури 500.000 граѓани се зависни од „дијазепам“]
Прашањето на условното масовно дрогирање на народите од Балканот со легални лекови од групата на т.н., лаички категоризирани, „смирувачи на нерви“, сигурно е дека е старо, да не речеме транзициско прашање. Во таа смисла, речиси бегло се помина со податокот дека една четвртина од нацијата зема вакви лекови, што е изведена бројка од изјава на функционер на Фондот за здравствена заштита. Но, многу е лесно да се лепат такви податоци на статистика која кај нас стандардно не е уредна. Од ова произлегува еден сензационализам во насловот и поставеноста на авторот.
Линк до оригиналниот напис: Плусинфо: Дури 500.000 граѓани сезависни од „дијазепам“
Датум на објавување: 03.09.2015 16.32
Датум на рецензирање: 07.09.2015
Рецензент: Љубомир Костовски
„Секој четвртти жител на Македонија последниве месеци е на ’диазепам’, а овој лек е во десетте најкористени лекови заедно со оние за намалување на високиот притисок, мастите и регулирање на шеќерот во крвта, се вели во анализата на Фондот за здравство. Од јануари до јуни годинава од околу 10,5 милиони реализирани рецепти близу 900.000 се за притисок и срце, а повеќе од 500.000 рецепти се за „диазепам“.“
Што е проблем со оваа статистика? Се земаат две големини – бројот на жителите во земјава и бројот на издадените рецепти каде го пишува „дијазепамот“ и сродните, генерички лекови. Но, ние не знаеме, навистина, колку жители имаме (последниот попис е направен пред 14 години и тој беше предмет на политички договор, а не на вистинска резултанта!) Понатаму, често можеме да прочитаме дека од земјата се иселиле 200.000, 300.000, па и 400.000 жители! Тоа можеме да го прочитаме и во весникот што ја објавува веста, како и фактот дека бројот на гласачите не е толкав како што се пишува (1,8 милиони), туку дека е веројатно околу 1,3 милиони. Ова може да се каже од аспект дека се работи за лекови кои не се препишуваат лесно на малолетни лица!
Потоа бројот на издадени рецепти никако не е и „број на граѓани“ – постојаните пациенти што го земаат овој лек годишно би требало да имаат по 12 рецепти, што бројот на корисници автоматски го симнува на нешто повеќе од 40.000 „граѓани“.
Секако, дијазепамот се користи и како придружен лек за тие што земаат лекови за висок притисок (кои се први на листата на користени лекови кај нас), понекогаш и кај оние за дијебет и така натаму. Затоа, овие генерализирања, иако се читливи, сепак, во основа се – форма на сензационализам. Плус, да не заборавиме дека добар дел од граѓаните и за нервите бараат помош кај „медицинарите“ од типот на баба Рада.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
Има нереални споредби
Не може да се утврди
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
креативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
нема контекстуални линкови
делумно стилски уреден
неповрзан со тагови