Рецензија: Девојка едвај спаси жива глава од кучиња
Објавено во Рецензии
on 24 - 12 - 2014 Автор: Ана Анастасовска
Читајќи го овој напис, читателот лесно може да се доведе во заблуда дали текстот е резултат на гледање некој игран филм, сон или, пак, случката пренесена во него навистина се случила. Текстот не го задоволува минималното ниво на сеопфатност, во него нема никакви извори, што го прави неверодостоен и може да се оцени како класична детска приказна.
Наслов на анализираниот напис: Девојка едвај спаси жива глава од кучиња
Датум и време на објавување: 21.12.2014, 08:27
Датум на рецензирање: 23.12.2014
Рецензент: Ана Анастасовска
„Рано утринава окoлу 06 часот и 15 минути на булеварот „Трета Македонска Бригада“ била нападната девојка на возраст од 21 година од три кучиња скитници.“
Ова се единствените факти наведени во текстот, што не е доволно за да се утврди нивната точност. Задача на новинарот е кога ќе дојде до некоја информација, истата да ја провери, а потоа да дојде и до повеќе детали, како што тоа е сторено овде, од каде претпоставуваме и дека е преземена веста.
Можеби некој слушнал или прочитал дека некоја девојка била нападната од кучиња во скопската населба Аеродром, но никој не се потрудил да ја пронајде девојката, да земе нејзина изјава или, пак, за случката да добие потврда од МВР доколку била пријавена, или од друг официјален орган или лице. Тоа го прави написот.
Кога веќе не е вложен труд да се дојде до повеќе детали поврзани со случката, можело едноставно да стави линк до оригиналната верзија на овој текст и на тој начин написот ќе се направел поверодостоен. Така, од една страна, ќе се оправдала мрзеливоста, а од друга, ќе се задоволела желбата на читателот за информираност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
не аплиактивно
КОМЕНТИРАЊЕ
нема коментаторски елементи
ПЛАГИЈАТ
делумна копија
ненаведен автор, ненаведен извор
КВАЛИТЕТ НА НАСЛОВОТ
информира
некреативен
сензационален
соодветен
јасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
делумно стилски уреден
неповрзан со тагови