Рецензија: Црвенковски уловен со Нора Шакири
Објавено во Рецензии
on 13 - 06 - 2014 Автор: Владо ЃорчевМеѓу првите принципи во Кодексот на новинарите стои:
Новинарите имаат улога да пренесуваат информации, идеи и мислења и имаат право да коментираат. Почитувајќи ги етичките вредности и професионалните стандарди во пренесувањето на информациите, новинарите ќе бидат чесни, објективни и точни.
Така и во текстот е пренесена информација, но тоа дали е чесна, објективна и точна е под голем знак прашалник. Подоцна текстот доби и продолжение со што беше опфатено едно цело семејство на македонска водителка, а притоа воопшто не се внимавало на 16-от принцип на етички вредности од Кодексот на новинари кој вели:
Новинарот ќе ги чува угледот и достоинството на својата професија, ќе ги поттикнува заемната солидарност и различноста на ставовите и нема да го употреби својот медиум за пресметка со личности, вклучувајќи ги и своите колеги.
Линк до оригиналниот напис: Црвенковски уловен со Нора Шакири
Датум и време на објавување: 11.06.2014, 11:08
Датум на рецензирање: 12.06.2014
Рецензент: Владо Ѓорчев
ЕПТЕН ДИСКУТАБИЛНО
Многу дискутабилна е целата приказна. Има една фотографија на која се Бранко Црвенковски и Нора Шаќири со која се исплетени повеќе приказни од текстот кој го рецензираме и неговото продолжение.
Изворите на информација се наводно читатели кои ја доставиле фотографијата. И сѐ е наводно, затоа што никој досега ниту, пак, Нора нема изјавено ништо за фотографијата. А и зошто би. Зарем не е можно да се дружат јавни личности? Дали е забрането? И што би било тука спорно, освен на моментот на кој се сака да се алудира.
Покрај целата каша попара од текст не е испочитуван ниту следниов член од Кодексот на новинари:
7. Новинарот ќе ја почитува приватноста на личноста, освен кога тоа е во спротивност со јавниот интерес.
Новинарот е должен да ги почитува личната болка и жалост;
ТЕКСТ СО НАМЕРА
Текстот има своја намера, која не е постигната затоа што пазарски приказни најверојатно слабо поминуваат кај ѓраѓаните. Иако, од една фотографија (подоцна и во продолжението од неколку) се изведуваат и политички контексти, од кој со кого е близок до разделбата на Андреј Жерновски со Зоран Заев.
Целиот текст е коментар. Нема факти, нема изјави, па дури нема изјава ниту од читателот кој наводно ја доставил фотографијата до редакцијата.
Текстот е објавен на еден портал, а подоцна е земен од повеќе. Значи, воопшто не е важно каде била првата вест, кога насекаде е истата и со наслов и со фотографија.
Насловот покажува на што треба читателот да обрне внимание. Нели, ако некој поранешен премиер „улови“ водителка тоа е скандал. И секако за таблоиден медиум. Но, кај нас се е измешано, што е таблоид, што е информативен портал, а богами и што е приватност. А што јавност.
Фотографијата е исто така дискутабилна. Не поради тоа дали е вистинита случката. Најверојатно е. Но, според тоа како изгледа Бранко Црвенковски. Низ социјалните мрежи наголемо се зборува дека тој на фотографијата е солидно фотошопиран. Па сега останува прашањето, ако е тоа така, дали за тоа треба да постојат некои санкции?
Четиво кое секако многу лесно допира до ушите и очите на читателот. Тие сакаат да слушаат и читаат за туѓите животи. Нели, како и секој човек. Но, тие би прочитале и малку поинаква содржина, на пример, од типот, како живеат граѓаните во најсиромашната земја во Европа, ама такви вести не им се сервираат. Сепак, јасно е дека во време-невреме кога не се сервираат вистинските приказни царуваат ваквите, нормално, за забава на милиони.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор, наведен извор со линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови