Рецензија: Библиотеката во Бабино – татковина на книгите и спомените
Објавено во Рецензии
on 8 - 01 - 2014 Автор: Мирослава Симоновска
Пред нас се наоѓа текст кој отстапува од секојдневната набиена „дневна агенда“ на новинарството и кој жанровски се доближува до репортажниот дискурс, но нуди и голем број информации и фактографски, едукативен пристап. Преку овој текст е очигледен напорот за осврт на подзаборавените општествено-културни теми. Сепак, послаба страна е недоволната поврзаност со линкови до изворите или нивна анонимност и воопштеност. Проблематично за текстот е и што тој не дава уверливи докази дека е авторско дело, ниту, пак, дека новинарот самиот вложил труд да го посети местото за кое известува. Во прилог на ова оди и фактот што истиот текст од збор до збор е пренесен и на други медиуми, односно станува збор или за класично препишување или за соопштение од институција која не е наведена.
Линк до оригиналниот напис: Библиотеката во Бабино – татковина на книгите и спомените
Датум и време на објавување: 02.01.2014, 12:14
Датум на рецензирање: 05.01.2014
Рецензент: Мирослава Бурнс
Вистинитост: Големиот број факти, прецизноста во изразувањето, односно понудените цифри, му даваат уверливост на изнесеното. Текстот нуди историски времеплов за книжевниот фонд на библиотеката.
Извори на информации: Ова е послабата страна на написот, меѓутоа не е докрај јасно дали изворите не се посочуваат поради тоа што авторот бил во библиотеката и лично се уверил во цифрите што ги изнесува, или пак од немарност. Во одредени делови од текстот се даваат анонимни извори како на пример:
Според нејзините менаџери, благодарение на книгата библиотеката станува возбудлива туристичка дестинација.
Поголема уверливост би се овозможила доколку се цитираат изворите и тие самите преку изјави дадат видување за функционирањето на библиотеката.
Содржајност: Како да издава „лична карта“ на објектот за која пишува, авторот нуди голем број информации за книжевниот фонд, за објектот, за моменталната посетеност, но и за историјата. Ваквиот пристап е едукативен и информативен, насочен кон промоција на подзаборавените објекти од значење и едукација на читателите.
Коментирање: Во функција на стилот, кој е по малку и литературен, се препознаваат и одредени шаблони, односно клишеа што наликуваат на коментари:
Бабино, ќе речат, постојано чека гости – оние што тргнале, но и оние што се уште не знаат дека се очекувани. Тие треба да бидат подготвени да уживаат во боите на природата и убавината на книгата.
Оригиналност/Плагијат: Истиот текст од збор до збор е објавен на повеќе медиуми од што се претпоставува дека тој е соопштение од некоја институција или, пак, авторски текст за кој не е познат авторот и медиумот што прв го објавил.
Квалитет на насловот: Насловот може да биде поинвентивен и поинформативен што би се постигнало со употреба на активни глаголи.
Фотографија: Фотографијата е информативна доколку се анализира во соодветство со насловот и го покажува објектот во кој е сместена библиотеката. Негативно е што не е наведен нејзиниот автор.
Заклучок: Изборот на темата е за пофалба поради тоа што е несекојдневна. Успешно се актуелизира постоењето на објекти од културно значење. Сепак, за да се придржува до новинарските стандарди авторот треба да се потруди да посочи извори, да обезбеди изјави и со тоа да го обои текстот со новинарски, а не само со енциклопедиско-историски потпис.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
делумно
ИЗВОРИ НА ИНФОРМАЦИИ
има евидентирани извори
официјални, неофицијални, аноними
релевантни
повеќе извори
СЕОПФАТНОСТ
сеопфатнo
можеби се прикриени информации
ПРИСТРАСНОСТ
нема извртување на вистина (спин)
не може да се утврди
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови