Единствено нешто „отцепено“ е насловот на овој текст
Објавено во Рецензии
on 10 - 07 - 2015 Автор: Владо Ѓорчев
[Рецензија: Америка почна да се распаѓа: Тексас ќе се отцепува од САД!]
Кога ќе го прочитате насловот, помислувате дека нешто се случило и дека тоа нешто е навистина голема вест. Сепак, како одите подолу во текстот, гледате дека насловот воопшто го нема или бил изнасилен до таа мера што овој напис мора да дојде на рецензија во „Сервисот за проверка на факти во медиумите“
Линк до оригиналниот напис: Америка почна да се распаѓа: Тексас ќе се отцепува од САД!
Датум и време на објавување: 24.07. 2015, 18:19
Датум на рецензирање: 08.07.2015
Рецензент: Владо Ѓорчев
Оваа вест не е вистинита. Ниту Тексас се отцепил од САД, ниту наскоро тоа ќе се случи. Еден текст пренесен од странски медиум тоа не може да го направи. Најверојатно, за да излезе некоја држава од САД, за тоа ќе мора да одлучат граѓаните и тоа да биде во согласност со законите и со Уставот на државата.
Овој напис и оној од каде што потекнува веста не можат да го отцепат Текас од САД. Можат да шпекулираат и да не ја кажуваат вистината, ама толку.
Втората работа е што овој напис само изнасилено го толкува текстот во германскиот весник, кој е коректен. Навистина гувернерот на Тексас бара поголеми овластувања и слични подобности, но ни од далеку тоа не значи отцепување.
„Тексас отсекогаш бил и се уште е посебен во тоа, како што потсетуваат новинарите, а во него никогаш не умрела идејата за напуштање на Соединетите Американски Држави.“
Ова е пасусот од каде најверојатно се зела идејата за наслов. Но, да се има идеја за напуштање на САД и таа идеја да се оствари во реалноста не е исто. Напротив, има голема разлика. Сите можат да имаат идеи, а и самото име кажува дека е замисла, а не свршен чин.
„Die Welt, исто така објави дека според нивното чувство, државата ги држи во ропство и тие сакаат да си заминат, но да нема граѓанска војна. На тој список Тексас не е случајно!“
И овој пасус не може да го потврди насловот. Напротив, објаснува за чувствата на граѓаните кон САД, иако никаде во текстот не стои дали овој став произлегува од некоја постоечка анкета или е пренесено чувство на новинарот. Во еден текст тие работи мораат да се разликуваат.
Ова е текст во кој насловот ја прави катастрофалната грешка. Иако текстот во голема мера е коректно пренесен, насловот не е тоа што треба да биде во еден професионален медиум. Тој е изнасилен, не е вистинит, само е сензационален. Медиумите мора да разберат дека сензационалноста не секогаш е добредојдена и не е за секој текст. Вака се добива впечаток дека овој медиум не ја зборува вистината, затоа што читателите не се мали деца и знаат да ја проверат веста. Поради тоа не секогаш е добро да се игра со вакви наслови.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
официјални, неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
извртување на вистина (спин)
лажни информации
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови