Рецензија: Акција „Јустиција“- Уапсени 14 судии за проневера на 1,3 милиони евра
Објавено во Рецензии
on 13 - 10 - 2014 Автор: Александар ПисаревНовинарот мора да води сметка за терминологијата кога опишува некој настан, доколку сака тоа верно да ѝ го претстави на публиката. Во овој случај целиот настан и веста за апсењето на 25 лица од Судот за прекршоци е пренесена коректно повикуваќи се на изјавата на министерката за внатрешни работи. Но, проблемот е во насловот каде е употребен погрешен термин за кривичното дело за кое судиите и нивните соработници се осомничени дека го направиле во периодот од 2012 до 2013 година.
Линк до оригиналниот напис: Акција „Јустиција“- Уапсени 14 судии за проневера на 1,3 милиони евра
Датум и време на објавување: 08.10.2014 17:31
Датум на рецензирање: 12.10.2014
Рецензент: Александар Писарев
ПРОНЕВЕРА И НЕСОВЕСНО РАБОТЕЊЕ НЕ Е ИСТО
Насловот со кој е најавен текстот го наведува читателот на погрешно мислење за стореното кривично дело: „Акција „јустиција“- Уапсени 14 судии за проневера на 1,3 милиони евра“.
Според правно толкување на зборот проневера означува: „Кривично дело кое се состои во противправно присвојување на пари, хартии од вредност или подвижни предмети кои му се доверени на некое лице при обавување на служба“.
Во овој случај осомничените противправно, со своето несовесно работење ѝ направиле штета на државата во вредносст од 1,3 милиони евра. Значи, во насловот е обајавено нешто што не е вистина. Тие ниту проневериле, ниту се обвинети за проневера на 1,3 милиони евра.
Во текстот се работи за намерно или случајно извртување на факти во насловот што на целата информација ѝ дава сосема друга содржина дека „Уапсени 14 судии проневериле 1,3 милиони евра“ . За да се оквалифукува делото за кое се осомничени како „проневера“, требало парите да ги стават во џеп. Тоа, како што се гледа понатму во текстот, не го сториле, туку „се осомничени за несовесно работење со што ја оштетилое државата за повеке од 1,3 милиони евра“. Да е така најавено во насловот, веста не би изгубила ништо од својата ексклузивност, а читателите би добиле точна информација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
делумно прикажува вистина
лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
нејасен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови