Страшни предвидувања со лежерен пристап кон фактите
Објавено во Рецензии
on 1 - 09 - 2015 Автор: Владимир Мирчески
[Рецензија: 28 септември поплави и земјотреси – во иста вечер Крвава и Супер Mесечина]
Лесен текст за опуштена летна консумација. Таков би требало да биде, ама некаде работите тргнале по погрешен пат. Така, наместо освежување од горливите политички теми во домашната жешка атмосфера и од регионалните и глобалните проблеми, имаме напис-матеница кој не само што не релаксира туку по читањето внесува нервоза од површноста, паушалноста и од контрадикторностите што го карактеризираат.
Линк до оригиналниот напис: 28 септември поплави и земјотреси – во иста вечер Крвава и Супер Mесечина
Датум и време на објавување: 30.08.2015, 11:45
Датум на рецензирање: 01.09.2015
Рецензент: Владимир Мирчески
СЕНЗАЦИОНАЛИЗАМ И ПО ЦЕНА НА САМОРАНУВАЊЕ
Сензационализмот лесно се „продава“ и во тоа нема нити нешто ново, нити нешто изненадувачко, но ако се нема мера во пласирањето информации на „бомбастичен“ начин и се навлезе на теренот ширење паника, тогаш, од новинарска гледна точка, има проблем. Зошто била потребата од ултрасензационалистичка насловна конструкција „28 септември поплави и земјотреси – во иста вечер Крвава и Супер месечина“, кој има и апокалиптични на вестувања, за во содржината подолу да се „смирува топката“ со финишот „експертите тврдат дека нема причина за загриженост, плимата ќе има повеќе од порано, но само до пет сантиметри повисока од највисоката плима во последните дваесет години“?! Одговорот е во, како што утврдивме, тоа дека сензациите носат кликнувања, чија бројка, колку и да е нерелевантен текстот, е правопропроционална со маркетиншката заработка, барем овде кај нас. Но, тоа секако не ја оправдува нелогичноста насловот да е контрадикторен со написот што го најавува. Значи, „5 сантиметри повисока плима“ не значи „земјотреси и поплави“!!! Ако нешто се насловува со поплави и со земјотреси, очекувано е дека навистина ќе се зборува за сериозна можност од поплави, а не дека ќе се демантира таквото сценарио. Тоа е пример за медиумско саморанување, а сè поради неаргументираниот и напумпан сензационализам.
Тука не завршуваат проблемите. Понатамошното читање ја покажува и површноста со која ѝ е пристапено на темата и неправењето разлика меѓу верувања и научни сознанија:
„Многумина се уверени дека Месечината и нејзината поврзаност со Сонцето допринесуваат за плимата и поплавите, но и за земјотресите ерупциите на вулканите, а оние кои веруваат во „пророштво на крвавата месечина“ тврдат дека ќе следи апокалипса.“
Како може научно потврденото директно влијание на Сонцето и Месечината врз појавата на плимата да се изедначува со некакво си „уверување на многумина за некаква си поврзаност“. Во најмала рака е небулозно во ист кош да се мешаат плимата и појавата на „црвена“ месечина како објасниви феномени од една и нечии, во случајов неименувани, суеверија од друга страна. Едноставно, во текстот не е направена потребна и неопходна дистинкција меѓу научните факти и народните преданија за несреќите што следат по „крвавата месечина“. Ова се должи на „лежерниот“ пристап, недоволниот ангажман и најверојатно лошиот превод од можните оргинални четива.
Значи, не грижете се, како што ни се сугерира во текстов, ќе нема поплави, а за вакви непотребни „медиумски земјотреси и поплави“ нема гаранција дека нема пак да се појават.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
нема евидентирани извори
не може да се утврди
СЕОПФАТНОСТ
несеопфатнo
ПРИСТРАСНОСТ
делумно прикажува вистина
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
најверојатно е копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови