Пувка од новинарски текст
Објавено во Рецензии
on 11 - 01 - 2016 Автор: Зоран Бојаровски[Рецензија: Спасовски наредил Чауш да ги тргне заедничките фотографии]
Го прочитав по четврти пат текстот што е предмет на оваа рецензија за да бидам сигурен дека нема да се огрешам, кога тврдам дека тезата и твдрењето во насловот со ништо не се потврдени во ниту еден елемент од содржината на текстот.
Тоа го прави овој текст крајно дилетантски, тенденциозен, политички пристрасен и професионално неиздржан.
Линк до оригиналниот напис: Спасовски наредил Чауш да ги тргне заедничките фотографии
Датум и време на објавување: 11.01.2016, 10:16
Датум на рецензирање: 11.01.2016
Рецензент: Зоран Бојаровски
ДИЛЕТАНТСКИ НАПИС
Еве ги сега аргументите за да ги потврдат оцените од почетокот на рецензијата.
Нема никаква индиција дека Спасовски наредил да бидат тргнати заедничките фотографии со министерот за внатрешни работи. Фејсбук-профилот навистина го нема, но нема ништо како резултат на новинарска истражувачка работа која ќе го потврди кажаното од насловот. Ниту најмала индиција. Сѐ завшрило во насловот и тоа ја прави оваа медиумска содржина – пувка. Во електронскиот речник на македонскиот јазик, зборот „пувка“ се објаснува со следниот израз: „Тој мене ќе ми продава пувки – мисли дека ќе ме лаже.“
Оттука натаму пувката од „новинарски“ текст ги заддржува истите карактеристики и во другите свои сегменти.
Меѓу другото, од што немало како да се поддржи насловот, се забегало во изведување заклучоци кои немаат врска со насловот. Како, на пример, зачуденост од каде му е мобилен телефон на човекот околу кого ја плетат приказната кога тој е во затвор, а таму мобилни не се дозволени.
Тоа го прави текстот дилетанстки. А го употребуваме зборот дилетанстки, наместо аматерски, зашто тој збор во споменатиот речник опфаќа површност и нестручност, додека, пак, зборот аматерски опишува активност од љубов, иако е нестручна. Затоа овој текст, сепак, е дилетантски.
Дилетантски е зашто се изведуваат заклучоци врз основа на листата пријатели на осомничениот, што е сосема тенденциозно и тоа среде судска истрага. Тоа само го дополнува впечатокот дека овој „новинарски“ текст е политички пристрасен, професионално етички крајно неиздржан и е во спротивност со повеќе членови од Кодексот на новинарите.
Написот не е поткрепен со ништо за да се докаже вистинитоста. Нема втора страна, нема јавен интерес, полн е со коментари и употребува спин-техника, ја крши приватноста на многу личности кои се прикажани на скриншотовите, не ја почитува презумцијата на невиност… И, со сето тоа го наршува угледот на професијата.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
поврзан со тагови