verifikimiifakteve.mksitemap
verifikimiifakteve.mksitemap

Првото место на Балканот не е гаранција за слободна економија

on 3 - 02 - 2016       
Овој напис го има и на: Албански

02012016-Vecer-Ekonomski-sl 11

[Рецензија: Македонија прва на Балканот и 47. во светот според економските слободи]

 

Дали треба да паднеме во бесознание од воодушевување дека Република Македонија е прва од земјите на Балканот на Индексот на економски слободи 2016? Тоа го сугерира насловот и тонот што преовладува во новинарскиот текст што го рецензираме.

Во вакви случаи, секогаш се поставуваат прашањата: Зошто ни е потребно сето ова? Заради засилување на националната самодоверба или заради манипулација со реалната фактичка состојба?

Зашто, така медиумски третиран, овој факт не е соодветен на реалноста. Но, да видиме зошто?

02012016-Vecer-Ekonomski-slЛинк до оригиналниот напис: Македонија прва на Балканот и 47. во светот според економските слободи

Датум и време на објавување: 01.02.2016, 11:54

Датум на рецензирање: 03.02.2016

Рецензент: Зоран Бојаровски

 

ПОЛОВИЧНА СЛИКА

Дали фактот дека Република Македонија е на чело на листата балкански земји е доволен показател дека земјата е со високи економски слободи. Не! Зашто првото место на Балканот не е никаква гаранција и, што е уште поважно, не ја оддава целата слика за тоа какви се реалните економски слободи во земјата.

Целата слика вели: Според индексот на економски слободи Македонија е во категоријата умерено слободни земји. Уште повеќе детали и нијансирање на таа слика го прави изворното пренесување на толкувањето на позицијата на Македонија, а тоа толкување вели дека подобрувањата во законодавството креираат стабилна клима за домашните и за странските инвеститори. Забележани се подобрувања во однос на фискалната слобода, трговската слобода и ефикасноста на регулаторите. Но, загриженост претставуваат имотните права и корупцијата и се наведува:

„Иако законодавната рамка во Македонија е добра, спроведувањето на правото е слабо и јавноста е скептична околу волјата на власта да ги гони функционерите за корупција. Полицијата, судовите, високото образование и здравството се гледаат како најкорумпиран сектори. И покрај тоа што постои законска основа за заштита на сопственичките права, спроведувањето е проблематично…“

Тоа се оцените што мора да бидат вклучени во една реална медиумска интерпретација на овој извештај. Уште повеќе, за да бидеме реални докрај, извештајот во делот на владеењето на правото, каде што оцените за заштита од корупција и на имотни права се 35, односно 44, што ја става земјава во неслободни во однос на овие две прашања.

Тоа што треба да се истакне како позитивно е нагорниот пораст во последните години, но тоа, очигледно, сè уште е далеку од импресијата што ја создава медиумската содржина што ја рецензираме.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

веродостојни наводи

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

1 извор

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

нема лажни информации

наклонетост

политичка пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

информира

некреативен

несензационален

соодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести