Проверката е приоритет на новинарот
Објавено во Рецензии
on 3 - 11 - 2015 Автор: Xhenis Sulimani
[Рецензија: Заедно со Муса Џафери, оставка ќе поднесе и Абдулаќим Адеми]
Приоритет на новинарот е проверката на фактите. Пренесувањето непроверени вести се коси со новинарските стандарди и со етичкиот новинарски кодекс. Текстот што го рецензираме е шпекулативен, бидејќи во ниту еден момент не нуди факти за информацијата што ја пласира.
Линк до оригиналниот наслов: Заедно со Муса Џафери, оставка ќе поднесе и Абдулаќим Адеми
Датум и време на објавување: 20.10.2015
Датум на рецензија: 30.10.2015
Рецензент: Џенис Сулимани
Се работи за една важна информација што известува за планирањето на оставките на две важни политички фигури на Демократската унија за интеграција од функциите што што актуелно ги имаат.
„Заедно со заменик премиерот Муса Џафери, оставка ќе поднесе и министерот за образование, Абдулаќим Адеми, пишува порталот Либертас. Партиски извори рекле дека двајцата ќе ги напуштат функциите кои што актуелно ги имаа во владата на Груевски.“
Објавувајќи ги нивните имиња, веста добива поголема тежина и одговорноста за објавената информација се зголемува. Вистина е дека се пренесува вест што е напишана во еден македонски портал, меѓутоа авторот на текстот можел да ја провери информацијата, пренесувајќи го ставот на лицата чии имиња се споменати во текстот. Но, не, новинарот ниту се обидел да го направи тоа.
Нормално дека заминувањето од функцијата на двајцата албански функционери би ја зачудило јавноста, затоа причините што се нудат треба да бидат издржливи и сериозни. Ова би можеле да го потврдат или да го отфрлат и извори од наведената партија.
„Дознаваме дека се зголемува бројот на незадоволни внатре во ДУИ од Џафери и Адеми.“
Градењето доверба кај читателите е една од најважните мисии на новинарот, но ова не е релевантна информација што создава доверба кај читателот. Тоа што го дознава новинарот треба да го поткрепи со два извори. Инаку останува неважна шпекулација.
Етичкиот новинарски кодекс вели дека доколку информацијата не може да се потврди, или се работи за претпоставка, односно шпекулација, тоа треба и да се наведе. Непроверените информации треба да земаат со резерва и јавноста треба да се извести дека треба да ги смета како такви. Точноста на информацијата треба да се провери колку што е можно повеќе.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
извртување на вистина (спин)
лажни информации
наклонетост
друга пристрасност
КОМЕНТИРАЊЕ
има коментаторски елементи
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
не апликативно
нема контекстуални линкови
стилски неуреден
неповрзан со тагови