Промашен наслов на „позајмен“ текст
Објавено во Рецензии
on 7 - 10 - 2016 Автор: Владимир Мирчески
[Рецензија: ПОСЕБЕН СУД ЗА ПРЕДМЕТИТЕ НА КАТИЦА: Европратеникот испорача нови услови како алиби за бегство од избори!]
Една мана со сериозни консеквенции… Токму така, кога ќе се промаши насловната конструкција, последиците ги чувствува целиот текст. Колку и да е коректна содржината, како во овој случај, таа не останува имуна на лошото заглавие. Се менува целосниот впечаток за написот, се добива чувството на пристрасност и на обоеност.
Линк до оригиналниот напис: ПОСЕБЕН СУД ЗА ПРЕДМЕТИТЕ НА КАТИЦА: Европратеникот испорача нови услови како алиби за бегство од избори!
Датум и време на објавување: 03.10.2016
Датум на рецензирање: 06.10.2016
Рецензент: Владимир Мирчески
КОГА ЌЕ ГО УТНЕШ НАСЛОВОТ…
Зошто? Зашто имаме пример за наслов-коментар:
„ПОСЕБЕН СУД ЗА ПРЕДМЕТИТЕ НА КАТИЦА: Европратеникот испорача нови услови како алиби за бегство од избори!“
Каде е базата, темелите за констатацијата толку силно истопорена и испорачана во насловот? Јасно е, врз основа на самата содржина, дека такво нешто нема, што упатува на тоа дека станува збор за личен суд. Ова, пак, е во спротивност со член 13 од Кодексот на новинарите, кој предвидува:
Новинарот треба да прави разлика меѓу фактите и мислењата, меѓу веста и коментарот.
Недвосмислено се алудира на некаков обид на опозицијата да бега од избори, што е терминологија често употребувана од владејачката партија. Тука доаѓаме до зафаќањето одредена страна, што се коси со член 14 од новинарскиот Кодекс, каде е прецизирано дека:
Новинарот мора да обезбеди професионална дистанца од политичките субјекти.
Значи, имаме апсолутна некорсподенција меѓу текстот и насловната конструкција. Првото е извештај, второто е личен коментар. Ова е некоректно мешање на новинарски жанрови.
А, и да не заборавиме, написот е „украден“ од А до Ш – изменет е само насловот, а притоа никаде не е наведено дека е позајмен од друг медиум. Со ваквата постапка е прекршен уште еден професионален принцип:
Плагијаторството е неприфатливо. Цитатите не смеат да се користат без да се нагласи изворот или авторот (член 12 од Кодексот).
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
делумно, во насловот
нема лажни информации
наклонетост
политичка пристрасност
КОМЕНТИРАЊЕ
во насловот
интегрирано со фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови