Професионално незавршена вест
Објавено во Рецензии
on 9 - 09 - 2016 Автор: Adrian Kerimi
Напис: Срам за Мола Сула и за Изет Меџити, џамијата не се гледа никаде
Ветената џамија пред две години во Топанско Поле не се гледа никаде. Таму е останат само камен-темелникот на светата куќа, промовиран неодамна со помпезност од надлежните власти, пренесува „Факте“.
Еден читател на агенцијата за вести ИНА, испратил неколку фотографии од местото на настанот. За ова невнимание тој ги обвинува поглаварот на ИВЗ, Мола Сула, и градоначалникот на Општина Чаир, Изет Меџити.
„Срам за ИВЗ со Мола Сула и за градоначалникот на Општина Чаир, Изет Меџити, кои веќе две години го зафатиле паркот и до ден денес не направиле ниту една работа. Овие двајца прават само маркетинг со оваа џамија“, пишува револтираниот граѓанин. /ИНА-онлајн.
[Рецензија: „Срам за Мола Сула и за Изет Меџити, џамијата не се гледа никаде“]
Веста која не се адресира на соодветното место, не заслужува да се нарече вест. Ова, бидејќи властите или субјектите, чии дела се прикажуваат во текстот, треба да бидат информирани и прашани од новинарот за неговиот напис. Секогаш кон предметот треба да пристапиме на објективен начин, за јавноста да се информира добро и на што посеопфатен начин за прашањето за кое известуваме.
Написот што го рецензираме е едностран и новинарот не ја завршил својата работа, која во овој случај е насочувањето на загриженоста на граѓаните кај надлежните или главните ликови на веста.
„Ветената џамија пред две години во Топанско Поле не се гледа никаде. Таму е останат само камен-темелникот на светата куќа, промовиран неодамна со помпезност од надлежните власти, пренесува „Факте“. Еден читател на агенцијата за вести ИНА, испратил неколку фотографии од местото на настанот. За ова невнимание тој ги обвинува поглаварот на ИВЗ, Мола Сула, и градоначалникот на Општина Чаир, Изет Меџити.
Доколку сакаме да ја комплетираме веста, не треба да се заборави никогаш другата страна, чие присуство во текстот е печат за објективно и правилно известување. Во овој случај, споменатите страни не се побарани за став и ова ја прави содржината тенденциозна, еднострана и необјективна кога станува збор за прашањето за кое се известува.
Линк до оригиналниот напис: „Срам за Мола Сула и Изет Меџити, џамијата не се гледа никаде“
Датум и време на објавување: 30.08.2016
Датум на рецензирање: 01.09.2016
Рецензент: Адриан Керими
Чувствителните прашања, како што се верските, бараат професионален чувствителен ангажман, бидејќи темата го допира интересот на една цела заедница, во овој случај на исламската. За да им се тргне срамот или крајно за да им се наметне одговорноста кон граѓаните на споменатите страни, авторот бил обврзан да побара став од оние за кои пишува.
„Срам за ИВЗ со Мола Сула и за градоначалникот на Општина Чаир, Изет Меџити, кои веќе две години го зафатиле паркот и до ден денес не направиле ниту една работа. Овие двајца прават само маркетинг со оваа џамија, пишува револтираниот граѓанин“.
Анонимните извори секогаш се полурелевантни, бидејќи читателот има сомнежи за автентичноста на изјавата. Поради ова, новинарот е обврзан да го потврди тврдењето и од некој друг извор, да излезе на терен и за ова прашање да направи една анкета што би го докажала револтот на граѓаните, да консултира некој експерт. Одговорноста на новинарот кон јавниот интерес не завршува само со копирање на некој текст и со негово објавување, само со цитирање на изворот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност, друга пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
делумна копија
ненаведен автор, наведен извор без линк
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови