Приватна објава на „Фејсбук“ претворена во официјална партиска политика
Објавено во Рецензии
on 8 - 11 - 2015 Автор: Владимир Мирчески
[Рецензија: Еве како СДСМ ја замислува демократијата (ФОТО)]
Ете и тоа го видовме – нечија индивидуална објава на „Фејсбук“, „станала“ официјална политика на главната опозициска партија?! Нема што, медиумската магија која некои или некој ѝ ја продава на публиката како да нема граници. Само што во овој случај, масовната илузија за „народните маси“ е класична политичка „местенка“, која нема врска со магионичарки трикови и со слични занаетски зафати. Ова се партиски матракуки и обиди за печалење на „ситно“, реализирани од веќе „вообичаените виновници“ – медиумските експоненти.
Линк до оригиналниот напис: Еве како СДСМ ја замислува демократијата (ФОТО)
Датум и време на објавување: 06.11.2015, 14:00
Датум на рецензирање: 07.11.2015
Рецензент: Владимир Мирчески
КАКО ДА СЕ „ДЕМОНИЗИРА“ СÈ УШТЕ НЕИЗБРАНИОТ ПРВ ПОЛИЦАЕЦ
Видете, некој на „Фејсбук“ објавил фотомонтажа, невкусна и апсолутно неприфатлива, која покажува надгробен споменик со ликот и со името на поранешната министерка за внатрешни работи, а тоа е проследено со текст „СДСМ тргнува во конечна победа“. Таа фотографија, пак, ја споделил човек за кој во овој текст се тврди дека е вработен во МВР. Е, сега, доаѓа главната „финта“ – сево ова е врвен аргумент дека така „опозицијата ја замислува демократијата“. Да не беше смешно, ќе беше трагично, а можеби да не беше трагично, ќе беше смешно ваквото тврдење. Навистина слаб пример за индукција.
Да разјасниме, конкретната фотомонтажа е, пак ќе кажам, за секоја осуда, ама нејзиното „закачување“ на социјалните мрежи од индивидуалци, кои најверојатно навиваат за опозицијата, не може да се изедначува со официјалните позиции и политики на СДСМ. Од професионален аспект тврдењето:
„Фотографијата е споделена од Зоран Блажевски, инаку вработен во МВР, па се чини дека уште неофицијализиран новиот министер Оливер Спасовски ги даде првите задачи.“,
ама ич не држи вода. Нема какви било јасни поткрепи, докази или, пак, извори кои би направиле директна врска меѓу фотомонтажата и некакво си опозиционерско официјализирање на политика на физичко расчистување на сметките со власта. Таквите наводи не само што се несериозни, туку се и опасни. Плус, не зборуваме за, барем не е наведено, видни партиски функционери кои стојат зад објавувањето и зад споделувањето на фотографијата, а таквиот чин апсолутно не води кон идниот министер за внатрешни работи како некој си „главен организатор“.
Во денешно време социјалните мрежи секому му ја даваат можноста себеси да си се произнесе, и позитивно и негативно, и квалитетно и неквалитетно… Се согласувам, моќта на индивидуалниот глас сега е каде-каде поголема, ама тоа, сепак, не значи и дека тој еден глас го артикулира мислењето на еден поширок збир на луѓе, во овој случај една партија со илјадници членови и симпатизери. Тој што го пишувал написот тоа сосема јасно го знаел, но сепак, ја искористил, или ако сакате ја злоупотребил објавата со несреќната, и за осуда, фотомонтажа само со една цел – уште невлезен во министерскиот кабинет да се „демонизира“ идниот шеф на МВР.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
најверојатно е оригинал
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
селективно наведен автор (извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови