По најавите на Специјалното обвинителство за засилени истраги и за нови отворени случаи, ВМРО-ДПМНЕ сака по забрзана постапка да го измени Законот за кривична постапка, со кој на обвинетите им се дава поголем рок за одбрана, како и можност за спогодба со обвинителите.
Предлогот за измена на овој закон е прифатен во Собрание, а го предлага пратеничката на ВМРО-ДПМНЕ, Светлана Јакимовска.
„За време на информирањето, врз основа на член 2, одбраната има право во рок од 90 дена да ја подготви одбраната, во согласност со член 305 и со член 311 од овој закон“, се вели во објаснувањето на предлозите за измена на овој закон. Со ова, рокот од 15 дена за одбраната се продолжува на 90 дена.
Се предлага да има законска можност уште пред поднесувањето на пријавата да има можност за спогодба со обвинетиот.
„Пред земање на предлогот за поднесување кривична пријава, може да се применат правилата на изрекување на решението врз основа на спогодбата меѓу јавниот обвинител и обвинетиот во тек на прелиминарната постапка“, се вели во предложените измени на Законот за кривична постапка.
