Приказна од еден агол
Објавено во Рецензии
on 6 - 05 - 2016 Автор: Владо Ѓорчев
[Рецензија: ДИК им одговори на Спасовски и опозициските НВО]
Овој материјал е целосно необјективен, ја прикажува само едната страна, односно онаа на владејачката ВМРО-ДПМНЕ. Кога зборува за ставот на ДИК, написот, всушност, го пренесува единствено мислењето на Силвана Бонева, која е само еден член во комисијата. А, ДИК како тело носи одлуки со гласање, кои подоцна ги пласира во јавноста преку соопштенија, што стануваат и официјални документи.
Линк до оригиналниот напис: ДИК им одговори на Спасовски и опозициските НВО
Датум и време на објавување: 03.05. 2016, 23:16
Датум на рецензирање: 06.05.2016
Рецензент: Владо Ѓорчев
ВАЖЕН САМО СТАВОТ НА БОНЕВА
„Силвана Бонева која во ДИК го претставува ВМРО-ДПМНЕ изјави дека Спасовски намерно сакал да им подметне податоци со кои би се избришале над 130.000 граѓани кои имаат само важечка патна исправа.“
Текстот го прикажува ставот на Бонева, но професионално би било да ја има и втората страна, онаа која во конкретниот случај се напаѓа. Сепак, тоа во овој напис го нема. Тука недостига приказната на засегнатата страна – Спасовски.
На самиот почеток на текстот се вели:
„Членовите на ДИК му одговорија и на техничкиот министер Оливер Спасовски кој со индивидуално писмо до секој член ги повикувал да ги избришат од избирачкиот список сите оние кои имаат само важечка патна исправа, а личната карта им со истечен рок.“
Но, од написот не може да се разбере што му напишале членовите на ДИК на Спасовски, што, исто така, го прави текстот несцелосен.
ПРЕМОЛЧЕНИ ИНФОРМАЦИИ
Потпирајќи се само на мислењето на Бонева и претставувајќи го како генерален став на ДИК, текстот ниту од далеку не ја пренесува во јавноста реалната слика за состојбите во ДИК. Во него се премолчени информации кои со денови се пласираат во други медиуми. На пример, не се кажува дека вработени во стручните служби на ДИК, како што пренесоа некои медиуми, се пожалиле дека „Во Државната изборна комисија
Исто така, никаде во текстот не се спомнува дека ДИК минатата недела (26 април 2016 година) го усвои финалниот извештај од вкрстената проверка на избирачкиот список, без гласот на претседателот на ДИК, Александар Чичаковски, кој гласаше против извештајот за избирачкиот список.
Во напсиот фали и потсетување на изјавата на претседателот на ДИК, во која тој вели:
„На прашањето дали избори на 24 април може да се спроведат, мојот одговор е дека технички изборите може да се спроведат, меѓутоа проверка и пречистување на избирачкиот список не може да спроведе што значи дека не може да се обезбеди ниту избирачки список во кој сите ќе имаат доверба“, (Чичаковски, 17 јануари 2016)
Ваквите пропусти ја прават оваа објава неквалитетна, непрофесионална и нагласено пристрасна. Впрочем, видливо е дека таа нема идеја да пренесе во јавноста точна и политички необременета информација, туку да ја спинува вистината во корист на владејачката ВМРО-ДПМНЕ.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
несензационален
несоодветен
нејасен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
поврзан со тагови